ევროკავშირის ელჩი - შეშფოთებულები ვართ მიხეილ სააკაშვილის ჯანმრთელობის გაუარესებული მდგომარეობის შესახებ ცნობებით - ყურადღებით ვაკვირდებით მიმდინარე სასამართლო პროცესებს, ვიმედოვნებთ, პროცესი სწრაფად დასრულდება

საქართველოს ხელისუფლების პასუხისმგებლობაა უზრუნველყოს, რომ საქართველოში ყველა პატიმრის ყველა უფლება იყოს დაცული, - ამის შესახებ ევროკავშირის ელჩმა საქართველოში, პაველ ჰერჩინსკიმ განაცხადა, რითაც უპასუხა ჟურნალისტის კითხვას, „საკანონმდებლო ორგანოში გამართული შეხვედრებისას შეეხო თუ არა პოლიტპატიმრების თემას“.

როგორც ჰერჩინსკიმ აღნიშნა, მას და საქართველოს ხელისუფლების წარმომადგენლებს ძალიან ღია და გულწრფელი საუბრები აქვთ.

„ჩვენ გვაქვს ძალიან ღია, გულწრფელი საუბრები და ჩვენ ვუსმენთ საქართველოს მთავრობის მოსაზრებებს, ისევე როგორც სხვადასხვა მოსაზრებას საქართველოს პარლამენტში. ჩვენ გამოვხატავთ ჩვენს შეხედულებებსა და ჩვენი წევრი ქვეყნების მგრძნობიარობას სხვადასხვა საკითხთან დაკავშირებით. რაც ყველაზე მნიშვნელოვანია, ჩვენ უფრო და უფრო ვეთანხმებით ერთმანეთს ყველა საკითხზე, რათა თავიდან ავიცილოთ უსიამოვნო სიურპრიზები წლის ბოლოს. ვიმედოვნებ ესაა მიმართულება, რომლისკენაც მივდივართ. ჩვენი მოსაზრებაა, რომ საქართველოს ხელისუფლების პასუხისმგებლობაა უზრუნველყოს, რომ საქართველოში ყველა პატიმრის ყველა უფლება დაცული იყოს“, - განაცხადა ევროკავშირის ელჩმა.

ჰერჩინსკიმ საქართველოს ყოფილი პრეზიდენტის, მიხეილ სააკაშვილის ჯანმრთელობის გაუარესებული მდგომარეობის შესახებ არსებული ცნობების გამო შეშფოთება გამთქვა.

ამასთან, ელჩი გულწრფელად იმედოვნებს, რომ სააკაშვილის ჯანმრთელობის მდგომარეობა გაუმჯობესდება.

„საქართველოს ყოფილ პრეზიდენტზე, მიხეილ სააკაშვილზე რისი თქმაც მსურს, ისაა, რომ ჩვენ შეშფოთებულები ვართ მისი ჯანმრთელობის გაუარესებული მდგომარეობის შესახებ გავრცელებული ცნობებით. ჩვენ ყურადღებით ვაკვირდებით მიმდინარე სასამართლო პროცესებს. გულწრფელად ვიმედოვნებთ, რომ ეს სასამართლო პროცესი სწრაფად დასრულდება და ამასობაში, ჩვენ მოვუწოდებთ საქართველოს ხელისუფლებას, რომ ეს მათი პასუხისმგებლობაა, პატივი სცენ ყველა პატიმრის ყველა უფლებას, მათ შორის ყოფილი პრეზიდენტის“, - დასძინა ევროკავშირის ელჩმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი