თურქეთსა და სომხეთს შორის ურთიერთობების ნორმალიზაციის პროცესი გრძელდება და ანკარა ამ მიმართულებით გულწრფელ ძალისხმევას მიმართავს. ამის შესახებ თურქულ სააგენტო Anadolu-ს თურქეთის საგარეო საქმეთა სამინისტროს წყაროებმა განუცხადეს.

მათივე ცნობით, ნორმალიზაციის ინიციატივების ფარგლებში უკვე გადაიდგა პირველი ნაბიჯები, როგორიცაა: პირდაპირი ფრენების აღდგენა, პირდაპირი საჰაერო ტვირთების ბარიერების მოხსნა.

წყაროები არ გამორიცხავენ, რომ მომავალ მოლაპარაკებებზე კიდევ რამდენიმე საკითხი დადგეს, მათ შორის ორმხრივი ვაჭრობის აღდგენა.

ნორმალიზაციის მეხუთე მოლაპარაკების თარიღი ჯერ არ არის განსაზღვრული, მაგრამ ანკარას თქმით, მათ გამართვამდე რამდენიმე ორმხრივი ნაბიჯი უნდა გადაიდგას. მოლაპარაკებების გამართვა თურქეთში ან სომხეთშია მოსალოდნელი.