გიორგი ვაშაძე - უსახელო და უგვარო დეპუტატების განცხადება რეალურად კობახიძის დაწერილია, მუქარაც არის: „მზად ვართ, სააკაშვილის ფიზიკური განადგურება დავაჩქაროთ“ - „ქართული ოცნების“ ჩამოშორებაზე კონკრეტული გეგმა გვაქვს, დაელოდეთ

„სტრატეგია აღმაშენებლის“ ლიდერის გიორგი ვაშაძის განცხადებით, „ხალხის ძალის“ დღევანდელი განცხადება რეალურად „ქართული ოცნების“ პოზიციაა.

მისი თქმით, აღნიშნული განცხადება ფაქტობრივად, მუქარაც არის: „თუ რამე, მზად ვართ, მიხეილ სააკაშვილის ფიზიკური განადგურება დავაჩქაროთ“.

როგორც მან „პალიტრანიუსის“ გადაცემა „360 გრადუსში“ განაცხადა, „ქართული ოცნება“ რუსული სპეცსამსახურის დამახასიათებელი მექანიზმებით მოქმედებს.

„ჩვენ ხომ გვესმის, ეს უსახელო და უგვარო დეპუტატები რომ გამოვიდნენ, რეალურად კობახიძის დაწერილი განცხადებაა, ეს არის „ქართული ოცნების“ პოზიცია. ფაქტობრივად, მუქარაც არის: თუ რამე, მზად ვართ, მიხეილ სააკაშვილის ფიზიკური განადგურება დავაჩქაროთ. ეს ყველაფერი ამას ნიშნავდა. ხელისუფლებაში მყოფი ძალის მიერ გაკეთებული განცხადება სხვას არაფერს არ ნიშნავს. თვითონ აკონტროლებენ პენიტენციურ სისტემას, ციხეს და ყველაფერს.

ეს არის ალიბის შექმნა იმისთვის, რომ ხვალ და ზეგ რომ დასჭირდეთ, ეს განცხადება გამოიყენონ. ეს არის ალიბის შექმნა.

„ქართულმა ოცნებამ“ თავისი თავი ამოწურა. ეს არის ძალით ხელისუფლებაში მყოფი არალეგიტიმური, პოლიტიკური დაჯგუფება, რომელსაც გადაწყვეტილი აქვს, უარი უთხრას ევროკავშირის გზას, მიებას რუსეთს, აქედან გამომდინარე ხდება ეს ყველაფერი“,- განაცხადა ვაშაძემ.

მისივე თქმით, „სტრატეგია აღმაშენებელს“ „ქართული ოცნების“ ხელისუფლებიდან ჩამოშორების კონკრეტული გეგმა აქვს, რომელსაც მიმდინარე კვირას გააჟღერებენ.

„ჩვენ გვაქვს კონკრეტული ამოცანა. თუ ჩვენ გვინდა, რომ გადავრჩეთ, ვიცხოვროთ ნორმალურ დემოკრატიულ ქვეყანაში, არ ვიყოთ მაჩანჩალა და დავიბრუნოთ დემოკრატიის და რეფორმების ჩემპიონის სტატუსი, ერთადერთი ამოცანა გვაქვს შესასრულებელი - „ქართული ოცნების“ მმართველობიდან ჩამოშორება. ამაზე, ჩვენ კონკრეტული გეგმა გვაქვს. ამ კვირაში ბევრ სიახლეს გაიგებთ. ამ კვირაში და მომდევნო დღეებში ბევრ სიახლეს ნახავთ. დაელოდეთ. თვენახევარი დაგვჭირდა იმისთვის, რომ ბევრ ადამიანთან გვესაუბრა. სანამ საცივის ჭამით იყო ბევრი ადამიანი დაკავებული, ჩვენ ვმუშაობდით (ამ პრეტენზიას „ქართულ ოცნებას“ ვუყენებ). ქვეყანაში 5 - დღიანი დასვენება გამოაცხადეს, გეგონება აწყობილი იყოს ყველაფერი. ვიძახით, გვშია, ეკონომიკა ასაშენებელია, საქმე გასაკეთებელია და დასასვენებლად წავიდნენ“,- განაცხადა ვაშაძემ.

ინფორმაციისთვის, „ხალხის ძალამ“ დღეს განცხადება გაავრცელა, რომელშიც აღნიშნავს, რომ „სააკაშვილის პატრონებს რჩებათ გეგმა B - მისი, როგორც ოქროს მოწმის მოშორება, სააკაშვილის სიკვდილის ხელისუფლებისთვის დაბრალება, ამ საბაბით კი ქვეყანაში მასობრივი არეულობის მოწყობა“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024