სასწრაფო დახმარების ექიმებმა და მძღოლებმა, ხელფასის მატების მოთხოვნით, მორიგი აქცია გამართეს

სასწრაფო დახმარების ექიმებმა და მძღოლებმა, სახელფასო ანაზღაურების მატების მოთხოვნით, საგანგებო სიტუაციების კოორდინაციისა და გადაუდებელი დახმარების ცენტრთან, მორიგი აქცია გამართეს.

როგორც აქციის მონაწილეები აცხადებენ, ხელფასის 10%-იანი ზრდა, რომელიც მიმდინარე წლის იანვრიდან განხორციელდა, საკმარისი არ არის, რადგან მათი ანაზღაურება მიზერულია.

„მივმართავ ჯანდაცვის მინისტრს, მთავრობას, რომ ჩვენთვის დღევანდელი სიტუაცია გაუსაძლისია. ჩვენ გაუსაძლის მდგომარეობაში ვართ და ამ ხელფასით ძალიან გვიჭირს 5-6 სულიანი ოჯახის შენახვა. ეს რამდენად უნდა შეისმინონ და დათმობაზე წამოვიდნენ“, - განაცხადა უმცროსმა ექიმმა, გიორგი ბოსტოღანაშვილმა.

საქართველოს პროფესიული კავშირების გაერთიანების თავმჯდომარის მოადგილის, ლავრენტ ალანიას განცხადებით, ხელფასის 10%-იანი ზრდა ღირსეულ სამუშაო პირობებს არ შეესაბამება.

როგორც ალანია აღნიშნავს, სასწრაფო დახმარების ექიმებსა და მძღოლებს დამატებითი სამუშაო დღეების აღება აეკრძალათ, რაც ასევე, პრობლემას წარმოადგენს.

"ესენი მორიგეობას იმატებდნენ, რომ მეტი ხელფასი ჰქონოდათ, მაგრამ ხელმძღვანელობამ, გაბრაზებულ ნიადაგზე, მათ ზედმეტი სამუშაო დღეები უკრძალა. ანუ, შესაბამისად, ხელფასის 10%-იანი ზრდა დამატებითი სამუშაო დღეებზე უარმა ჩაყლაპა. ამან გამოიწვია პროტესტი და ეს გაგრძელდება. ნურავინ იფიქრებს, რომ ამ ადამიანებს რამე გააჩერებს," - განაცხადა ლავრენტი ალანიამ.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია