მიხეილ ჩხენკელმა პერსონალურ მონაცემთა დაცვის სამსახურის უფროსთან შეხვედრა გამართა

საქართველოს განათლებისა და მეცნიერების მინისტრმა მიხეილ ჩხენკელმა პერსონალურ მონაცემთა დაცვის სამსახურის უფროსთან ლელა ჯანაშვილთან სამუშაო შეხვედრა გამართა. შეხვედრის დროს მხარეებმა საქართველოს განათლებისა და მეცნიერების სამინისტროსა და პერსონალურ მონაცემთა დაცვის სამსახურს შორის არსებული და სამომავლო თანამშრომლობის დეტალები განიხილეს.

მიხეილ ჩხენკელის თქმით, ადამიანის უფლებათა და თავისუფლებათა, მათ შორის, პირადი ცხოვრების ხელშეუხებლობისა და ფიზიკურ პირთა პერსონალურ მონაცემთა დაცვა საქართველოს განათლებისა და მეცნიერების სამინისტროსთვის უმნიშვნელოვანეს პრიორიტეტს წარმოადგენს. შესაბამისად, ფიზიკურ პირთა პერსონალური მონაცემების დამუშავების დროს სამინისტროში მკაცრად კონტროლდება პროცესის მოქმედ კანონმდებლობასთან შესაბამისობა – მონაცემები მუშავდება სამართლიანად და კანონიერად, მხოლოდ კონკრეტული, მკაფიოდ განსაზღვრული კანონიერი მიზნებისთვის, ხოლო მონაცემთა ბაზები დაცულია უკანონო წვდომისა და გამოყენებისგან. როგორც მინისტრმა აღნიშნა, სწორედ ამ მიმართულებით საქართველოს განათლებისა და მეცნიერების სამინისტროს დეპარტამენტები და მის დაქვემდებარებაში არსებული ორგანიზაციები (სსიპ) მჭიდროდ თანამშრომლობენ პერსონალურ მონაცემთა დაცვის სამსახურის წარმომადგენლებთან.

თავის მხრივ, ლელა ჯანაშვილმა მიხეილ ჩხენკელს ინფორმაცია მიაწოდა პერსონალურ მონაცემთა დაცვის სამსახურის მისიის, ფუნქცია-მოვალეობების, არსებული გამოწვევებისა და პერსონალურ მონაცემთა დამუშავების კულტურის დანერგვაზე. შეხვედრაზე საუბარი ასევე შეეხო პერსონალურ მონაცემთა დაცვის მნიშვნელობასა და სამსახურის ინსტიტუციური ცნობადობის გაზრდას.

შეხვედრას ესწრებოდა პერსონალურ მონაცემთა დაცვის სამსახურის უფროსის პირველი მოადგილე ოთარ ჩახუნაშვილი.

ინფორმაციას განათლებისა და მეცნიერების სამინისტრო ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024