ეკა სეფაშვილი - ლექციის არჩატარება იმას ნიშნავს, რომ ხალხს იმ აზრების მოსმენა არ სურს, რაც ლევან ბერძენიშვილმა შესაძლოა, განიხილოს - თუ ხალხს ამის მოსმენა არ სურს, თავისთავად ცხადია, ასეთი ლექცია არ უნდა წაიკითხოს

ლექციის არჩატარება იმას ნიშნავს, რომ ხალხს იმ აზრების მოსმენა არ სურს, რაც ლევან ბერძენიშვილმა შესაძლოა ლექციისას განიხილოს - თუ ხალხს ამის მოსმენა არ სურს, თავისთავად ცხადია, ასეთი ლექცია არ უნდა წაიკითხოს - როგორ წარმოგიდგენიათ, რომ რაღაც არ გაინტერესებთ და გეუბნებით: გინდა თუ არა, უნდა მომისმინო, - ეს განცხადება საპარლამენტო უმრავლესობის დეპუტატმა, "ხალხის ძალის" წევრმა ეკა სეფაშვილმა ყვარელში მომხდარი ინციდენტის თაობაზე დასმული კითხვის პასუხად გააკეთა.

როგორც სეფაშვილმა აღნიშნა, ქართული კულტურისა და ისტორიის შესახებ ბერძენიშვილის პოზიციები საქართველოში უმრავლესობისთვის მიუღებელია და პროტესტი სწორედ ამის გამოხატულება იყო.

„როგორც საზოგადოებისთვის არის ცნობილი, ლევან ბერძენიშვილს ეკუთვნის ძალიან შეურაცხმყოფელი განცხადებები საქართველოს ისტორიის იმ მონაკვეთის და იმ პიროვნებების შესახებ, რომელიც მთელი საქართველოსთვის და განსაკუთრებულად ამ კუთხის ხალხისთვის სიამაყის საფუძველს წარმოადგენს. ქართული კულტურის და ისტორიის შეურაცხყოფა ქართველი ხალხისთვის მიუღებელია. ეს არის გამოხატულება იმისა, რომ მის ამ პოზიციას აპროტესტებენ. რა თქმა უნდა, ფიზიკურ დაპირისპირებამდე და ისეთ აგრესიამდე, რომელიც ადამიანის ჯანმრთელობას ზიანს აყენებს, საქმე არ უნდა მივიდეს - ამას რა თქმა უნდა, არ ვემხრობით, თუმცა ადგილობრივ მცხოვრებლებს აქვთ უფლება იმისა, საკუთარი პროტესტი გამოხატონ საქართველოს კულტურისა და ისტორიისადმი უპატივცემულობის გამოხატვის გამო.

აზრის გამოხატვის უფლება და თავისუფლება ადგილობრივ მცხოვრებლებსაც გააჩნიათ", - განაცხადა ეკა სეფაშვილმა.

15 იანვარს, ყვარელში, ლევან ბერძენიშვილს ლექციის ჩატარების შესაძლებლობა არ მიეცა. ბერძენიშვილი ახალგაზრდებს "ევროკლუბში" უნდა შეხვედროდა, თუმცა მას "ალტ-ინფოს" წევრებმა გზა გადაუკეტეს და ლექციის ჩატარების საშუალება არ მისცეს.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი