ფინეთის საგარეო საქმეთა მინისტრის, პეკა ჰაავისტოს განცხადებით, იმედი აქვს, უკრაინისთვის Leopard-ის ტანკების მიწოდების შესახებ გადაწყვეტილებას მიიღებენ და რომ მისი ქვეყანა მზადაა, ამ მხარდაჭერაში საკუთარი როლი შეასრულოს.

„ამჟამად ჩვენ ინტენსიურ დისკუსიას ვაწარმოებთ იმაზე, თუ რა შეგვიძლია გავაკეთოთ, როგორც ევროკავშირმა, სკანდინავიურმა ქვეყნებმა უკრაინის დასახმარებლად. Leopard-ის ტანკებთან დაკავშირებით დისკუსია მიმდინარეობს და ვიმედოვნებ, რომ გადაწყვეტილების მიღება მოხდება და ფინეთი ნამდვილად მზადაა ამ მხარდაჭერაში თავისი როლი შეასრულოს“, - განაცხადა პეკა ჰაავისტომ მსოფლიო ეკონომიკური ფორუმის ფარგლებში.

შეგახსენებთ, გერმანიის მოკავშირეებმა ბოლო დროს გააძლიერეს ზეწოლა ქვეყნის კანცლერზე, ოლაფ შოლცზე, რათა უკრაინისთვის გერმანული წარმოების Leopard-ის ტანკების მიწოდება დაუშვას.