გიული ალასანია - არ მაგონდება მეორე ქართველი, რომელიც ასეთი პოპულარული იყო - მეორე ბუბა არ იქნება, წარმოუდგენელია

მეორე ბუბა არ იქნება, წარმოუდგენელია, - ამის შესახებ საქართველოს მესამე პრეზიდენტის დედამ, გიული ალასანიამ ჟურნალისტებს ქაშვეთის ტაძარში განუცხადა, სადაც ვახტანგ კიკაბიძის პანაშვიდი მიმდინარეობს.

როგორც მან აღნიშნა, ბუბა კიკაბიძე საოცარი არტისტიზმით იყო დაჯილდოებული.

"მე არ მაგონდება მეორე ქართველი, რომელიც ასეთი პოპულარული იყო. ძალიან დიდი დანაკლისია. მეორე ბუბა არ იქნება, წარმოუდგენელია. განუმეორებელი შარმი, საოცარი მომხიბვლელი ღიმილით. საოცარი არტისტიზმით იყო დაჯილდოებული. სიკეთით სავსე იყო. ჩემი შვილისთვის ძალიან ახლო მეგობარი იყო. როდესაც დაიღუპა, ჩემმა შვილმა მითხრა, რომ ბოლოს როდესაც იყო სანახავად და გადიოდაო, კართან შეჩერდა, გამომხედა და მითხრა: "მიშა, ძალიან მიყვარხარო”, - აღნიშნა ალასანიამ.

ქაშვეთის ეკლესიაში ქართველი ხელოვანის, ვახტანგ (ბუბა) კიკაბიძის სამოქალაქო პანაშვიდი მიმდინარეობს. ბუბა კიკაბიძე 84 წლის ასაკში გარდაიცვალა. მას ხუთშაბათს, 19 იანვარს, თბილისის დიდი საკონცერტო დარბაზიდან გამოასვენებენ. ოჯახის წევრების ინფორმაციით, ბუბა კიკაბიძეს ვერის სასაფლაოზე დაკრძალავენ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი