მარიამ ჯიშკარიანის განცხადებით, მიხეილ სააკაშვილის დიაგნოზები სასჯელის მოხდისა და გათავისუფლების საფუძველს წარმოადგენს

ცენტრ „ემპათიას“ ხელმძღვანელის მარიამ ჯიშკარიანის განცხადებით, საქართველოს მესამე პრეზიდენტის მიხეილ სააკაშვილის ნევროლოგიური და ფსიქიატრიული დიაგნოზები ჯანდაცვის მინისტრის ბრძანების შესაბამისად სასჯელის მოხდისა და გათავისუფლების საფუძველს წარმოადგენს. ამის შესახებ მან სასამართლო პროცესზე გამოკითხვისას განაცხადა.

„ძირითადი დიაგნოზები, რაც ჩვენი მხრიდან იქნა გამოტანილი, ამ ეტაპზეც, რჩება დაუზუსტებელი დემენცია. ეს დიაგნოზი საქართველოს ჯანდაცვის მინისტრის ბრძანების შესაბამისად წარმოადგენს სასჯელის მოხდისა და გათავისუფლების საფუძველს. ამ ბრძანების შესაბამისად ფსიქიატრია ხვდება ამ ჩამონათვალში. ეს არის ყველაზე მძიმე დიაგნოზი, რომელიც იქნა გამოტანილი და ამ ეტაპზე, მიუხედავად ტოქსიკოლოგის დასკვნისა, ვრჩებით ამ კოდის ფარგლებში. ინტოქსიკაციით გამოწვეული დემენციაც რჩება ამ ბრძანებაში. ინტოქსიკაციაზეც ალბათ გვექნება დრო და ვისაუბრებთ, არის აუცილებელი კიდევ სხვა კვლევები ჩატარდეს და დაზუსტდეს უნდა ნეიროტოქსიკური აგენტები. მეორე დიაგნოზს რაც შეეხება, რომელიც ასევე იქნა ჩვენ მიერ გამოტანილი, არის პოსტტრავმული სტრესული აშლილობა, წამებისა და არაადამიანური მოპყრობის მსხვერპლი.

ნევროლოგიური კუთხით, არის ბევრი დიაგნოზი, აქ არაა სხვაობა არც „ვივამედის“, არც პენიტენციურის და არც გორის ჰოსპიტლის დიაგნოზებთან. ეს არის დიაგნოზები, ძირითადად, პოლინეიროპათია, ენცელოპათია, ასევე დაზიანებულია ცენტრალური ნერვული სისტემა, დაზიანებულია პერიფერიული ნერვული სისტემა, დაზიანებულია ზურგის ტვინი. ეს ყველა დიაგნოზი დასტურდება კლინიკა „ვივამედის“ კვლევებით, გორის ჰოსპიტლის კვლევებით და ა.შ. ამ ეტაპზე, ყველა ამ მონაცემით, ამ ბრძანების შესაბამისად, მუხლი #6 - ნერვული სისტემის დაავადებები და მუხლი #5 ფსიქიკური აშლილობანი, არის გათავისუფლების საფუძვლები“, - განაცხადა ჯიშკარიანმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი