მარიამ ჯიშკარიანი პენიტენციური სამსახურის წარმომადგენელს - „აგრესიის ეპიზოდები“, რომელზეც საუბრობთ ტელეშოუს რეჟიმში და აძლევთ არაკვალიფიციურ შეფასებას, „ვივამედის“ სამედიცინო ბარათში გამოყენებული არ არის

„აგრესიის ეპიზოდები“, რომელზეც თქვენ საუბრობთ ტელეშოუს რეჟიმში და აძლევთ არაკვალიფიციურ, არასამედიცინო შეფასებას, „ვივამედის“ სამედიცინო ბარათში, მათ შორის სამეთვალყურეო ექთნების 24-საათიან ჩანაწერში გამოყენებული არ არის, - ამის შესახებ ცენტრ „ემპათიას“ ხელმძღვანელმა, მარიამ ჯიშკარიანმა მიხეილ სააკაშვილის სასამართლო პროცესზე განაცხადა, სადაც ის მოწმის სტატუსით იკითხება.

ამ სიტყვებით ჯიშკარიანი გამოეხმაურა სპეციალური პენიტენციური სამსახურის იურისტის, ნიკა აბრამიშვილის შეკითხვას იმის შესახებ, რომ „ხომ არ არის გაპარული ამბულატორიული ექსპერტიზის ფარგლებში მიხეილ სააკაშვილის მხრიდან საშუალო სამედიცინო პერსონალის მიმართ აგრესიის ეპიზოდები“.

ჯიშკარიანის შეფასებით, აღნიშნული შეკითხვა არ ეხება სამედიცინო სფეროს და არის არაკვალიფიციური შეფასება.

„რას ნიშნავს გაიპარა? ეს შეკითხვა არ ეხება სამედიცინო სფეროს. ეს შეკითხვა არის თქვენი მოსაზრება და ტელეშოუს ინტერპრეტაცია. აგრესიის ეპიზოდები, რომელზეც თქვენ საუბრობთ ტელეშოუს რეჟიმში და აძლევთ არაკვალიფიციურ, არასამედიცინო შეფასებას, ამდაგვარი ტერმინოლოგია „ვივამედის“ სამედიცინო ბარათში, მათ შორის სამეთვალყურეო ექთნების 24-საათიან ჩანაწერში გამოყენებული არ არის, შესაბამისად, დაბრუნდით სამედიცინო დოკუმენტაციის ფარგლებში და ვისაუბროთ ამ ფარგლებით. რაც შეეხება იმ ეპიზოდებს, ჩვენს დასკვნაში არის მითითებული flashback-ის ფსიქოზური ეპიზოდები, რაც შეფასებულია და მიუთითებს მდგომარეობის სიმძიმეზე. რაც შეეხება აგრესიას, ეს არის თქვენი შეფასება. სამედიცინო დოკუმენტაციაში მსგავსი რამ არ წერია“, - განაცხადა მარიამ ჯიშკარიანმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი