"ლელოს" ლიდერები ბუბა კიკაბიძის სამოქალაქო პანაშვიდს დაესწრნენ. როგორც პარტია "ლელოს" გენერალურმა მდივანმა, ბადრი ჯაფარიძემ ქაშვეთის ტაძარში ჟურნალისტებთან განაცხადა, ბუბა კიკაბიძე ძალიან დიდი დანაკარგია მთელი ქვეყნისთვის. მან ოჯახის წევრებს და ახლობლებს მიუსამძიმრა.

"ბუბა კიკაბიძე ძალიან დიდი დანაკარგია მთელი ქვეყნისთვის, ამიტომ მინდა ყველას მივუსამძიმრო ბუბა კიკაბიძის გარდაცვალება. რა თქმა უნდა, ჩვენ ყველა მის ხელოვნებაზე გავიზარდეთ, მისი მოღვაწეობა განუმეორებელია. ასე დარჩება ჩვენს მეხსიერებაში",- აღნიშნავს ჯაფარიძე.