ზვიად ზვიადაძე - ოკუპირებული ტერიტორიის მიმართულებით ე.წ. გადასასვლელებზე მოქალაქეებს ყოველი თვის ბოლო 10 დღის განმავლობაში გადაადგილების საშუალება მიეცემათ

ოკუპირებული ტერიტორიის მიმართულებით არსებულ ე.წ. გადასასვლელებზე ამჟამად არსებული გადაადგილების პრაქტიკა გაგრძელდება. ამის შესახებ ინციდენტების პრევენციისა და მათზე რეაგირების მექანიზმის ფორმატში ერგნეთში დღეს გამართულ შეხვედრაზე გახდა ცნობილი.

აფხაზეთის ავტონომიური რესპუბლიკის, ყოფილი სამხრეთ ოსეთის ავტონომიური ოლქის საკითხთა დეპარტამენტის უფროსის, ზვიად ზვიადაძის განცხადებით, შეხვედრის ცხინვალელმა წარმომადგენლებმა აღნიშნეს, რომ გადასასვლელებზე ამჟამად მოქმედი პრაქტიკა გაგრძელდება და მოქალაქეებს ყოველი თვის ბოლო 10 დღის განმავლობაში გადაადგილების საშუალება მიეცემათ.

,,სხვა მნიშვნელოვან საკითხებთან ერთად, ერგნეთში დღეს გამართულ შეხვედრაზე საუბარი შეეხო ჰუმანიტარულ საკითხებსაც, ერთ-ერთი ასეთი გახლავთ ე.წ. გადასასვლელებზე გადაადგილება. როგორც შეხვედრის ცხინვალელმა მონაწილეებმა აღნიშნეს, ამჟამად არსებული პრაქტიკა გაგრძელდება და ოკუპირებული ტერიტორიის მიმართულებით არსებულ ე.წ. გადასასვლელებზე მოქალაქეებს ყოველი თვის ბოლო 10 დღის განმავლობაში გადაადგილების საშუალება მიეცემათ. რაც შეეხება ე.წ. ,,პროპუსკებს“, რომლებსაც მოქმედების ვადა ამოწურული აქვთ, მათ განაცხადეს, რომ პრობლემა არ იქნება და მიმართვის შემთხვევაში, მოხდება მოქმედების ვადაგასული ,,პროპუსკების“ შეცვლა“, - განაცხადა ზვიად ზვიადაძემ.

ცნობისთვის, ინციდენტების პრევენციისა და მათზე რეაგირების მექანიზმის ფორმატში ერგნეთში დღეს რიგით 110-ე შეხვედრა გაიმართა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024