ნიდერლანდებმა უკრაინას შესაძლოა Patriot-ის საზენიტო-სარაკეტო კომპლექსი მიაწოდოს. ინფორმაციას ამის შესახებ ნიდერლანდების საზოგადოებრივი მაუწყებელი NOS-ი ავრცელებს.

გამოცემის თანახმად, ნიდერლანდების პრემიერ-მინისტრმა მარკ რუტემ ამის შესახებ თეთრ სახლში აშშ-ის პრეზიდენტ ჯო ბაიდენთან შეხვედრამდე განაცხადა.

ნიდერლანდების თავდაცვის სამინისტროს სპიკერმა უარი თქვა კომენტარის გაკეთებაზე.

ნიდერლანდების საზოგადოებრივი მაუწყებლის თანახმად, ამსტერდამი განიხილავს გერმანიასთან ერთად Patriot-ის სისტემების უკრაინისთვის გადაცემას, მას შემდეგ, რაც ბერლინმა ამისთვის მზაობის შესახებ განაცხადა.

ცნობისთვის, ევროპაში Patriot-ის საზენიტო-სარაკეტო სისტემები შეიარაღებაზე მხოლოდ გერმანიას, ნიდერლანდებსა და ესპანეთს აქვს.