პროფესორ გარი ჰემერის საჯარო ლექცია „ლიდერობა მედიცინასა და მეცნიერებაში“ გაიმართება

„ილიაუნის“ G 106 აუდიტორიაში 2 თებერვალს, 17:00 საათზე, მიჩიგანის უნივერსიტეტის ენდოკრინული ონკოლოგიის პროგრამის დირექტორი, ამერიკის ენდოკრინული საზოგადოების (Endocrine Society) ყოფილი პრეზიდენტი (დეტროიტი, აშშ), პროფესორი გარი ჰემერი საჯარო ლექციას თემაზე „ლიდერობა მედიცინასა და მეცნიერებაში“ გამართავს. ამის შესახებ ინფორმაციას „ილიაუნი“ ავრცელებს.

მათივე ცნობით, მოტივაციური და ინსპირაციული ლექცია დაფუძნებულია თავად პროფესორ გარი ჰემერის გამოცდილებასა და მეცნიერებასა და მედიცინაში მის მიერ განვლილ კარიერულ გზაზე.

„მომხსენებელი ისაუბრებს, როგორ შეუძლია საკუთარი მოწყვლადობის გაცნობიერებას, გახდეს ინსპირაციის წყარო, რათა სამყარო უკეთესობისკენ შევცვალოთ, გავითავისოთ კონცეფცია აქ და ახლა. ვიცხოვროთ ამჟამინდელ დროში, დრო და სივრცე გამოვიყენოთ განვითარებისთვის, სხვების შთაგონებისა და ჩვენ ირგვლივ არსებული გარემოსა და სამყაროს უკეთესობისკენ შესაცვლელად. მომხსენებელი ასევე შეეხება ექიმსა და პაციენტს შორის ურთიერთობას, იმ კავშირს, ნდობასა და ურთიერთგაგებას, რაც აუცილებელია ექიმსა და პაციენტს შორის სრულყოფილი ურთიერთობის ჩამოყალიბებისა და განვითარებისთვის ხანგრძლივ პერსპექტივაში.

გარი ჰემერი, MD, PhD, მიჩიგანის უნივერსიტეტის შინაგანი მედიცინის, უჯრედული და განვითარების ბიოლოგიისა და მოლეკულური და ინტეგრაციული ფიზიოლოგიის დეპარტამენტის პროფესორია. ამჟამად როგორც ენდოკრინული ონკოლოგიის პროგრამის დირექტორი მოღვაწეობს როგელის კიბოს ცენტრში, სადაც უკავია პროფესორის თანამდებობა თირკმელზედა ჯირკვლის სიმსივნეების მიმართულებით.

მან MD და PhD ხარისხი ნეირომეცნიერებებში მიიღო ტუფტის უნივერსიტეტში, ხოლო რეზიდენტური – შინაგან მედიცინაში, შემდეგ – ენდოკრინოლოგიაში, დიპლომის შემდგომი განათლება კი – კალიფორნიის უნივერსიტეტში (სან-ფრანცისკო).

პროფ. გარი ჰემერმა ხელი შეუწყო მიჩიგანის თირკმელზედა ჯირკვლის მეცნიერთა გუნდის საქმიანობის ბოლოდროინდელ აღორძინებას. გუნდი აერთიანებს თირკმელზედა ჯირკვლის დაავადებათა შემსწავლელ მეცნიერებს.

მან UofM Jerome Conn-ის ჯილდო მიიღო შინაგანი მედიცინის გამორჩეული კვლევისთვის, ენდოკრინული საზოგადოების ედვინ ბ. ასთვუდის ჯილდო – კი გამორჩეული კვლევისთვის. გარი ჰემერი ASCI-ისა და AAP-ის წევრია. ვრცელი ბიოგრაფია ხელმისაწვდომია ბმულზე: https://bit.ly/3Xiq3UG სამუშაო ენა: ინგლისური / დასწრება თავისუფალია“, - აღნიშნულია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024