სოლომონ პავლიაშვილი სამუშაო ვიზიტით იაპონიაში, ტოკიოში იმყოფებოდა

გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, ნარჩენების მართვის მიმართულებით იაპონიის გამოცდილების გაზიარების მიზნით, სამუშაო ვიზიტით იაპონიაში, ქალაქ ტოკიოში იმყოფებოდა.

გარემოს დაცვისა და სოფლის მეურნეობის სამინისტროს ინფორმაციით, ვიზიტის ფარგლებში, მინისტრის მოადგილემ იაპონიის გარემოს დაცვის სამინისტროს წარმომადგენლებთან გამართა მაღალი დონის შეხვედრა, სადაც მხარეებმა საქართველოსა და იაპონიის სახელმწიფოს შორის გარემოსდაცვითი მიმართულებით სამომავლო თანამშრომლობის საკითხებზე ისაუბრეს. შეხვედრას ესწრებოდა საქართველოს ელჩი იაპონიაში, თეიმურაზ ლეჟავა.

„იაპონიას ნარჩენების მართვის კუთხით მრავალწლიანი გამოცდილება და უმაღლესი სტანდარტი აქვს. შესაბამისად, ჩვენთვის მნიშვნელოვანია მათი გამოცდილების გაზიარება ნარჩენების შეგროვების, სეპარირებისა და რეციკლირების მიმართულებით. მისასალმებელია, რომ „დამბინძურებელი იხდის“ პრინციპი, რომელიც ჩვენ დავნერგეთ, შეესაბამება იაპონიაში დანერგილ მიდგომებს, ხოლო მწარმოებლის გაფართოებული ვალდებულების მიმართულებით მიღებული გარკვეული რეგლამენტები თითქმის ანალოგიურია იმ რეგულაციების, რაც იაპონიაში მოქმედებს“, - აღნიშნა სოლომონ პავლიაშვილმა.

სამინისტროს ცნობით, ვიზიტის ფარგლებში, იაპონიის გარემოსდაცვითი სანიტარიული ცენტრის პრეზიდენტმა, ჰიდეკი მინამიკავამ ქართულ მხარეს იაპონიის ნარჩენების მართვის პოლიტიკა და ნარჩენების შეგროვებისა და დამუშავებისთვის ქვეყანაში არსებული ინფრასტრუქტურა ადგილზე გააცნო.

სოლომონ პავლიაშვილმა ტოკიოს ნარიმას მუნიციპალური ნარჩენების ინსინერაციისა და ენერგიის აღდგენის, უკიშიმას მუნიციპალური ნარჩენების ინსინერაციისა და ნარჩენების სეპარირების, სამშენებლო და ნგრევის ნარჩენების წინასწარი დამუშავების ობიექტები, ტოკიოს მუნიციპალური ნარჩენების ნაგავსაყრელი დაათვალიერა და ქალაქ კავასაკის ეკომომავლის გარემოსდაცვითი ცნობიერების ამაღლების ცენტრს ესტუმრა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი