თბილისის მერი კახა კალაძე უკრაინაში, ქალაქ ბროვარში მომხდარი ტრაგედიის გამო მწუხარებას გამოთქვას და დაღუპულების ოჯახებს სამძიმარს უცხადებს.
„ჩემო უკრაინელო მეგობრებო, თქვენთან ერთად ვწუხვარ და განვიცდი იმ შემზარავ ტრაგედიას, რაც ქალაქ ბროვარში ვერტმფრენის ჩამოვარდნას მოჰყვა. ვიზიარებ დაღუპულთა ოჯახების და მთელი უკრაინის გულისტკივილს“,-წერს კალაძე.
ცნობისთვის, კიევის ოლქში, ბროვარში, საბავშვო ბაღთან ახლოს ვერტმფრენის ჩამოვარდნის შედეგად 18 ადამიანი დაიღუპა. დაღუპულია უკრაინის შინაგან საქმეთა მინისტრი დენის მონასტირსკი, მისი პირველი მოადგილე ევგენი ენინი და სახელმწიფო მდივანი იური ლუბკოვიჩი. დაღუპულთა შორის 3 ბავშვია. ამასთან, დაშავებულია 29 ადამიანი, მათ შორის 15 ბავშვი.