რატი იონათამიშვილი ლავრობის განცხადებაზე - დავაკვირდებით, ვინ როგორ განავრცობს თემას, რა ხანგრძლივობის სიუჟეტებს მიუძღვნიან - ესეც ერთგვარი ლუსტრაცია იქნება

ყურადღებით დავაკვირდებით ვინ როგორ გამოიყენებს და განავრცობს ამ თემას, რა ხანგრძლივობის სიუჟეტებს მიუძღვნიან , - ამის შესახებ საპარლამენტო უმრავლესობის წევრმა რატი იონათამიშვილმა რუსეთის საგარეო საქმეთა მინისტრის სერგეი ლავროვის განცხადებასთან დაკავშირებით განაცხადა.

მისი თქმით, მისივე თქმით, გამოვლინდება ვინ არიან საქართველოს მიმართ წარმოებული ჰიბრიდული ომის მოკავშირეები.

„ჩვენი საზოგადოებისთვის ნაკლებად საინტერესოა, რა კითხვას დასვამს მოსკოვში „ალტ-ინფოს“ წარმომადგენელი, ან რა პასუხს გასცემს მას ამ კითხვაზე ოკუპანტი ქვეყნის საგარეო საქმეთა მინისტრი, მაგრამ ძალიან საინტერესო იქნება და ჩვენც ყურადღებით დავაკვირდებით ვინ როგორ გამოიყენებს და განავრცობს ამ თემას, როგორც კითხვის დასმას, ასევე მასზე პასუხის გაცემას და რა ხანგრძლივობის სიუჟეტებს მიუძღვნიან ამას”,- განაცხადა იონათამიშვილმა.

მისივე თქმით, გამოვლინდებაა, ვინ არიან საქართველოს მიმართ წარმოებული ჰიბრიდული ომის მოკავშირეები.

„ვფიქრობ, რომ ესეც ერთგვარი ლუსტრაცია იქნება იმის, რომ ძალიან ხშირად ხდება, როდესაც ჰიბრიდული ომის სხვადასხვა ტექნოლოგიებს საქართველოს წინააღმდეგ სინქრონულად იყენებენ ხოლმე ერთის მხრივ ოკუპანტი ქვეყნის წარმომადგენლები და მერე რადიკალური ოპოზიცია და „ნაციონალური მოძრაობა“ “ - განაცხადა იონათამიშვილმა.

ცნობისთვის, როგორც რუსეთის საგარეო საქმეთა მინისტრმა სერგეი ლავროვმა მოსკოვში გამართულ პრესკონფერენციაზე, „ალტ-ინფოს“ ჟურნალისტის კითხვის პასუხად განაცხადა, საქართველო, მსოფლიოს სხვა ქვეყნების მსგავსად, დასავლეთის მხრიდან ზეწოლას განიცდის, რომელიც რუსეთის წინააღმდეგ სანქციებთან მიერთებას "ღიად და ურცხვად მოითხოვს".

„ამ პატარა ქვეყანას და მის მთავრობას აქვს გამბედაობა თქვას, რომ ისინი საკუთარი ინტერესებით, ეკონომიკური ინტერესებით, იხელმძღვანელებენ - ეს შექებას იმსახურებს“, - განაცხადა სერგეი ლავროვმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი