რელიგიის სააგენტოს ირანის ისლამური რესპუბლიკის დელეგაცია ესტუმრა

საქართველოს მთავრობის ადმინისტრაციაში, რელიგიის სააგენტოს თავმჯდომარე, ზაზა ვაშაყმაძე ირანის ისლამური რესპუბლიკის დელეგაციას შეხვდა. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათი ცნობით, თბილისში ვიზიტით იმყოფებიან: აჰლ ბეითის მსოფლიო ასამბლეის გენერალური მდივანი, აიათოლა რეზა რამეზანი, აჰლ ბეითის მსოფლიო ასამბლეის საერთაშორისო საქმეთა ხელმძღვანელის მოადგილე, აბდოლრეზა რაშედი და აჰლ ბეითის მსოფლიო ასამბლეის დსთ-სა და თურქეთის სამმართველოს უფროსი, ჰასან სადეყიანი. ირანელ სტუმრებთან ერთად, სააგენტოს ეწვივნენ ირანის ისლამური რესპუბლიკის საგანგებო და სრულუფლებიანი ელჩი საქართველოში, მაჰმუდ ადიბი, კულტურის საკითხებში საელჩოს მრჩეველი, აჰმად ალი მეჰრი არდესტანი, ალმოსტაფას უნივერსიტეტის წარმომადგენელი, ჰასან იუსეფზადე და კულტურის განყოფილების თანამშრომელი, მაჰდი ზარე.

სააგენტოს თავმჯდომარემ სტუმრებს გააცნო რელიგიის საკითხთა სახელმწიფო სააგენტოს საქმიანობა და განხორციელებული აქტივობები. მან ხაზი გაუსვა ისლამის ქართულ ფენომენს, შიიტი და სუნიტი მუსლიმების ჰარმონიულ და მშვიდობიან თანაარსებობას საქართველოში და ამის მაგალითად მათი ერთობლივი ლოცვა მოიყვანა.

რელიგიის სააგენტოს თავმჯდომარე, ზაზა ვაშაყმაძის თქმით, ადამიანის რელიგიური თავისუფლება საქართველოს სახელმწიფოსთვის უმნიშვნელოვანესი ღირებულებაა და სააგენტო აქტიურად მუშაობს იმისთვის, რომ ამ უფლებით საქართველოს ნებისმიერმა მოქალაქემ, რელიგიური აღმსარებლობისა და ეროვნების მიუხედავად, დაუბრკოლებლად ისარგებლოს.

„სტუმრები დაინტერესდნენ რელიგიის სააგენტოს მიერ განხორციელებული პროექტებით და ინტერრელიგიური სათათბიროს საქმიანობით. მათ მადლობა გადაუხადეს სააგენტოს თავმჯდომარეს მიღებისათვის და იმედი გამოთქვეს, რომ საქართველოში სხვადასხვა რელიგიებს შორის არსებული თანამშრომლობა მაგალითი გახდება სხვა ქვეყნებისთვისაც“,- ნათქვამია ინფორმაციაშია.

შეხვედრას ესწრებოდნენ: რელიგიის სააგენტოს სტრატეგიული კვლევის, ანალიზისა და რეგიონების სამსახურის უფროსი, ნინო ჭავჭავაძე, ანალიტიკოსი, ზვიად ტყაბლაძე, პროტოკოლის მენეჯერები, გვანცა ცხოვრებაძე და ნათია გუდაძე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024