უკრაინის კულტურისა და საინფორმაციო პოლიტიკის მინისტრი ალექსანდრე ტკაჩენკო ხვალ თბილისში ჩამოვა. ამის შესახებ „ეხო კავკაზა“ იუწყება.
უკრაინელი მინისტრი ქართველი მსახიობის და მომღერლის, საქართველოს სახალხო არტისტის ვახტანგ კიკაბიძის დაკრძალვას დაესწრება.
როგორც მედია წერს, ტკაჩენკო დიდ საკონცერტო დარბაზში, გამოსამშვიდობებელ ცერემონიაზე უკრაინის პრეზიდენტის ვოლოდიმირ ზელენსკის განცხადებას წაიკითხავს.
ვახტანგ კიკაბიძე კვირას 84 წლის ასაკში გარდაიცვალა. ანდერძის თანახმად, ხელოვანს თბილისში, ვერის სასაფლაოზე, დედის საფლავის გვერდით დაკრძალავენ.