ბროვარიში ვერტმფრენის ჩამოვარდნასთან დაკავშირებით სამდღიანი გლოვა გამოცხადდა.

ამის შესახებ ბროვარის მერმა იგორ საპოჟკომ „ტელეგრამის“ გვერდზე განაცხადა.

„ტრაგედიასთან დაკავშირებით, რომელიც დღეს ბროვარიში მოხდა, 19,20 და 21 იანვარი გლოვის დღეებად გამოცხადდა. შავი დღეა, სიტყვები არ მყოფნის, რათა დანაკარგით გამოწვეული ტკივილი გამოვხატო“, - განაცხადა მერმა.

მან დაღუპულთა ახლობლებსა და ოჯახის წევრებს მიუსამძიმრა.