რასა იუკნევიჩიენე - საქართველოს ევროპული გზა კითხვის ნიშნის ქვეშ დგება ქვეყანაში არსებული პოლიტიზირებული მართლმსაჯულების გამო

საქართველო არის ევროპა, მაგრამ საქართველოს ევროპული გზა კითხვის ნიშნის ქვეშ დგება ქვეყანაში არსებული პოლიტიზირებული მართლმსაჯულების გამო , - ამის შესახებ ევროპარლამენტარმა რასა იუკნევიჩიანემ „ტვიტერის“ გვერდზე განაცხადა.

მან სოციალურ ქსელში საქართველოს პრეზიდენტის სალომე ზურაბიშვილის განცხადება გააზიარა, სადაც ქვეყნის პრეზიდენტი აცხადებს, რომ საქართველოს არ აქვს ფუფუნება, რომ კანდიდატის სტატუსზე უარი მეორედ მიიღოს.

როგორც ევროდეპუტატმა აღნიშნა, ის სრულად ეთანხმება საქართველოს პრეზიდენტს.

იუკნევიჩიანემ იმედი გამოთქვა, რომ ამ მოცემულობის გათვალისწინებით პრეზიდენტი „მთავარი არხის“ ხელმძღვანელს ნიკა გვარამიას შეიწყალებს.

მისი თქმით, აღნიშნული თხოვნით ევროპარლამენტარებმა პრეზიდენტს ჯერ კიდევ გასული წლის ნოემბერში მიმართეს. ევროდეპუტატი „ტვიტერზე“ პრეზიდენტისთვის გაგზავნილ წერილსაც ავრცელებს.

„სრულად ვეთანხმები პრეზიდენტ ზურაბიშვილს. აქედან გამომდინარე, ვიმედოვნებ, რომ პრეზიდენტი შეიწყალებს ჟურნალისტსა და მთავარი არხის ხელმძღვანელს ნიკა გვარამიას. ჯერ კიდევ გასული წლის ნოემბერში ევროპარლამენტის წევრებმა სწორედ ამ თხოვნის შემცველი წერილი გავუგზავნეთ პრეზიდენტს.

საქართველო არის ევროპა, მაგრამ საქართველოს ევროპულ გზა კითხვის ნიშნის ქვეშ დგება ქვეყანაში არსებული პოლიტიზირებული მართლმსაჯულების გამო“, - დაწერა იუკნევიჩიანემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი