ძალიან ხშირია ბრალდებები და მიზანმიმართული პროპაგანდა იმასთან დაკავშირებით, რომ თითქოს საქართველო ვიღაცას რაღაცაში ეხმარება, მაგრამ როდესაც ვსაუბრობთ ფაქტებზე - ფაქტები არის ნული“, - ასე გამოეხმაურა „ქართული ოცნების“ გენერალური მდივანი, კახა კალაძე CNN-ის ეთერში გაკეთებულ ურსულა ფონ დერ ლაიენის განცხადებას.
მისივე თქმით, ეს არის საქართველოზე მიზანმიმართული პროპაგანდა და ზეწოლა.
„ეს არის მიზანმიმართული პროპაგანდა და ზეწოლა საქართველოზე. თქვენ იცით, რომ საქართველო ყველაფერს აკეთებს იმისთვის, რომ პირველ რიგში, ჩვენი ქვეყნის და ჩვენი მოქალაქეების ინტერესები დაცული იყოს. მიუხედავად ზეწოლისა ჩვენ რა თქმა უნდა, ყველაფერს გავაკეთებთ იმისთვის, რომ ჩვენი ეროვნული ინტერესები დაცული იყოს. ძალიან ხშირია ბრალდებები და მიზანმიმართული პროპაგანდა იმასთან დაკავშირებით, რომ თითქოს საქართველო ვიღაცას რაღაცაში ეხმარება, მაგრამ როდესაც ვსაუბრობთ ფაქტებზე - ფაქტები არის ნული“, - განაცხადა კალაძემ.