მეუფე დანიელი - დღეს დიდი სიხარულის, დიდი სულიერი და ფიზიკური ძალების განახლების დღეა

დღეს ჩვენ ვიხილეთ ჩვენი უწმინდესი, ვითარცა უხორცო, თავისი საოცარი შემართებით, თავისი დიდი სიყვარულითა და რწმენით, მიუხედავად ნებისმიერი სირთულისა - მისთვის არ არსებობს არავითარი წინააღმდეგობა, შესაბამისად, იგი არის სულიწმიდის მადლით აღვსილი, - ამის შესახებ ჭიათურისა და საჩხერის მიტროპოლიტმა დანიელმა თბილისის ყოვლადწმინდა ღვთისმშობლის მიძინების სახელობის სიონის საპატრიარქო ტაძარში ქადაგებისას განაცხადა.

მეუფე დანიელმა მრევლს ნათლისღების დღესასწაული მიულოცა და აღნიშნა, რომ „დიდი სიხარულის, დიდი სულიერი და ფიზიკური ძალების განახლების დღეა“.

„ქრისტეს მიერ საყვარელნო მეუფენო, მამანო, დედანო, ძმანო და დანო, ყველას გილოცავთ ნათლისღების დიდებულ და ბრწყინვალე დღესასწაულს.

დღეს ხარობს ცა და ქვეყანა, დღეს უფალმა გამოუცხადა თავი კაცობრიობას, როგორც მაცხოვარმა, რომელმაც დაუბრუნა ღვთაებრივი სიცოცხლე ღმერთს მოწყვეტილ, სიკვდილში დანთქმულ კაცობრიობას და ახარა მას ახალი სიცოცხლის დასაწყისი. დღეს შეიმუსრა თავი ვეშაპთანი და დღეს გამოცხადდა კაცობრიობის ახალი სიცოცხლის დასაწყისი, კაცობრიობის სულიერი აღდგომის დასაწყისი გამოაცხადა უფალმა. დღეს მამის ხმა ისმოდა, რომელმაც ბრძანა იესო ქრისტეს შესახებ: „ესე არს ძე ჩემი საყვარელი, რომელი მე სათნო ვიყავ“ და სულიწმიდა ტრედის სახით დაადგრა მას ზედა. დღეს სამების გამოცხადებაა; დღეს დიდი სიხარულის, დიდი სულიერი და ფიზიკური ძალების განახლების დღეა; დღეს არის სინათლის, სიყვარულის, სიწმინდის, რწმენის აღორძინების, ახლიდან დაბადების დღე. ამიტომ იხარეთ და იდღეგრძელეთ, ქრისტეს მიერ საყვარელნო ძმანო და დანო, მრავალსა წელსა, მრავალჟამიერ.

დღეს ჩვენ კიდევ ერთხელ ვიხილეთ სულიწმიდის მადლის გამოცხადება. სახარებაში წერია: „შეუძლებელი კაცთაგან ღვთისა მიერ ყოველივე შესაძლებელია“.

დღეს ჩვენ ვიხილეთ ჩვენი უწმინდესი, ვითარცა უხორცო, თავისი საოცარი შემართებით, თავისი დიდი სიყვარულითა და რწმენით, მიუხედავად ნებისმიერი სირთულისა; მისთვის არ არსებობს არავითარი წინააღმდეგობა, შესაბამისად, იგი არის სულიწმიდის მადლით აღვსილი, იგი მოქმედებს ღვთის ძალით და დღეს ჩვენ დავინახეთ, რომ შეუძლებელი ადამიანის ძალებისთვის შესაძლებელია ღმერთისთვის, როდესაც ადამიანში ღმერთი მოქმედებს.

აი, ასე აღნიშნავს ჩვენი პატრიარქი თავის საიუბილეო თარიღებს - აღსაყდრებიდან 45 და დაბადებიდან 90 წლისთავს. ასე გვახსენებს ის ჩვენს საოცარ ისტორიას, ჩვენი წინაპრების თავდადებას, დიდ სარწმუნოებას, ღვთისა და მოყვასის დიდ სიყვარულს.

მადლობა ღმერთს ყველაფრისათვის! მადლობა პატრიარქს ყველაფრისათვის! მადლობა თქვენ, ყველას, რომ ვარ ისევ ჩვენი წინაპრების გზაზე და ვაგრძელებთ ამ გზას. ღმერთმა ინებოს, რომ გავაგრძელოთ ეს გზა და მივაღწიოთ ჭეშმარიტ სულიერ გამთლიანებასა და გაბრწყინებას, რაც ნაწინასწარმეტყველებია ივერიის შესახებ, ჩვენი საყვარელი პატრიარქის დღეგრძელობით, წინამძღოლობითა და ლოცვით, ამინ!

იხარეთ და იდღეგრძელეთ მრავალსა წელსა, მრავალჟამიერ, ქრისტეს მიერ საყვარელო ძმანო და დანო და კიდევ ერთხელ შევთხოვოთ უფალს, დავით წინასწარმეტყველის სიტყვებით ჩვენი უწმინდესისთვის: „განახლდეს, ვითარცა ორბისა, სიჭაბუკე“ ჩვენი პატრიარქისა. ღმერთმა ინებოს, რომ განახლდეს მისი სიჭაბუკე, ვითარცა ორბისა.

ღმერთმა დაგლოცოთ, გაგახაროთ და მრავალ დღესასწაულს დაგასწროთ!“,- განაცხადა მეუფე დანიელმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024