შარლ მიშელი - შესაძლოა, შემდეგი კვირები გადამწყვეტი გახდეს ამ ომში - თქვენ შეგიძლიათ დაეყრდნოთ ევროკავშირს, რადგან ჩვენ საერთო ოცნებას ვიზიარებთ

ევროპული საბჭოს პრეზიდენტი შარლ მიშელი მიიჩნევს, რომ ევროკავშირმა უნდა გააგრძელოს უკრაინისთვის მძიმე შეიარაღების, მათ შორის, საჰაერო თავდაცვის სისტემების მიწოდება, რადგან შემდეგი კვირები შესაძლოა გადამწყვეტი აღმოჩნდეს მიმდინარე ომში. ამის შესახებ შარლ მიშელმა კიევში უკრაინის პრეზიდენტ ვოლოდიმირ ზელენსკისთან გამართულ პრესკონფერენციაზე ისაუბრა.

მისივე შეფასებით, ევროკავშირმა ძალიან სწრაფად მიიღო უკრაინისთვის იარაღის მიწოდების გადაწყვეტილება.

„ეს მოხდა პირველად ევროკავშირის ისტორიაში - ფართომასშტაბიანი შეჭრის პირველსავე საათებსა და დღეებში ჩვენ უკრაინას მძიმე შეიარაღება გამოვუგზავნეთ.

უკანასკნელ პერიოდში უკრაინა იღებს მძიმე შეიარაღებას, საჰაერო თავდაცვის სისტემებს. ვფიქრობ, რომ ეს უნდა გაგრძელდეს. ჩვენ გვსურს ამაში მხარი დაგიჭიროთ, რადგან შესაძლოა, შემდეგი კვირები გახდეს გადამწყვეტი ამ ომში. სწორედ ამიტომ საჭიროა მსგავსი გადაწყვეტილებები“,- განაცხადა შარლ მიშელმა.

მან ამასთან აღნიშნა, რომ ევროკავშირი პირველად ახდენს სამხედრო სწავლების უპრეცედენტო შესაძლებლობების მობილიზებას 15 ათასი უკრაინელი სამხედროსთვის.

„თქვენ შეგიძლიათ დაეყრდნოთ ევროკავშირს - ჩვენ გავაგრძელებთ ჩვენს ურყევ მხარდაჭერას, ჩვენ ყოველთვის ვიქნებით თქვენთან მხარდამხარ, იმიტომ, რომ ჩვენ საერთო ოცნებას ვიზიარებთ“,- განაცხადა შარლ მიშელმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024