დროა, შეწყვიტოთ ცახცახი პუტინზე და გადადგათ საბოლოო ნაბიჯი,- ამის შესახებ უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა განაცხადა და დასავლეთის ქვეყნებს უკრაინისთვის ტანკების გადაცემისკენ მოუწოდა.
მისი თქმით, ტანკები საკვანძოა, რათა უკრაინამ ომი სათანადოდ დაასრულოს.
„ნამდვილი ლიდერობა გულისხმობს მაგალითის მიცემას და არა სხვების ყურებას. არ არის ტაბუ. ვაშინგტონიდან ლონდონამდე, პარიზიდან ვარშავამდე ერთ რამეზე საუბრობენ: უკრაინას სჭირდება ტანკები. ტანკები - არის საკვანძო, რათა დავასრულოთ ომი სათანადოდ. დროა, შეწყვიტოთ ცახცახი პუტინზე და გადადგათ საბოლოო ნაბიჯი“, - განაცხადა პოდოლიაკმა.