ნევროლოგი ოთარ თოიძე - სააკაშვილის მდგომარეობა არის მძიმე - ეს მდგომარეობა ალბათ, დიდხანს დარჩება, სანამ ადეკვატურ მკურნალობას არ მიიღებს

ნევროლოგ ოთარ თოიძის ინფორმაციით, საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობა არის მძიმე და ეს ასე დარჩება, სანამ მას ადეკვატური მკურნალობის საშუალება არ მიეცემა.

როგორც თოიძემ ჟურნალისტებს განუცხადა, ამის მიზეზია შიმშილობა და შემდგომ მკურნალობის არათანმიმდევრული პროცესი.

„დღეს საუბარი იქნება პაციენტის ნევროლოგიურ სტატუსზე, მის დინამიკაზე, მიმდინარე მკურნალობაზე, სიმპტომთა ევოლუციაზე და იმ მდგომარეობაზე, რომელიც დღეს გვაქვს. დიაგნოზები მრავლად არის. ალბათ, პროცესის შემდეგ მოგახსენებთ. ვფიქრობ, დღეს მნიშვნელოვანი წვლილი იქნება შეტანილი ექსპრეზიდენტის გათავისუფლების საქმეში. ძირითადი დიაგნოზი არის ტრავმული რეგენერაციული ცვლილებები, რომელსაც მისი ცენტრალური ნერვული სისტემა განიცდის. წარმოშობის მიზეზად ვასახელებთ შიმშილობას და შემდგომ მკურნალობის არათანმიმდევრულ პროცესს“, - განაცხადა თოიძემ.

მისი განმარტებით, პაციენტთან ბოლო ვიზიტი 2 თვის წინ განხორციელდა და მისი ჯანმრთელობის მდგომარეობა მძიმე იყო.

„მისი მდგომარეობა არის მძიმე, პროგნოზული გამოსავალი არის ძალიან პესიმისტური მისი ჯანმრთელობისა და სიცოცხლის ხანგრძლივობის თვალსაზრისით. ეს მდგომარეობა ალბათ კიდევ დიდხანს დარჩება მძიმე, სანამ ადეკვატური მკურნალობის საშუალებას არ მიიღებს“, - განაცხადა თოიძემ.

მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებული მორიგი სასამართლო პროცესი ამ წუთებში ტარდება.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი