აკაკი მინაშვილი - იმისთვის, რომ საქართველოს დარჩეს ევროპული პერსპექტივა და ჰქონდეს შანსი მიიღოს ევროკავშირის კანდიდატობა, მიხეილ სააკაშვილი ქვეყნიდან ჰუმანიტარული მიზნით უნდა გაიყვანონ

მაღალი რეპუტაციის მქონე უცხოელი და ქართველი ექსპერტები ფაქტებით და არგუმენტებით საუბრობენ, რომ მიხეილ სააკაშვილის ჯანმრთელობის მდგომარეობა დღითიდღე მძიმდება, - ამის შესახებ „ნაციონალური მოძრაობის” წევრმა, აკაკი მინაშვილმა თბილისის საქალაქო სასამართლოსთან განაცხადა, სადაც დღეს ყოფილი პრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით პროცესი მიმდინარეობს.

მინაშვილის შეფასებით, ამას ისიც ემატება, რომ “არის საეჭვო ფაქტები სააკაშვილის მოწამვლასთან დაკავშირებით”.

მიხეილ სააკაშვილის განკურნება ამ პირობებში ვერ მოხდება. აუცილებელია მისი გაყვანა ქვეყნიდან, ეს ყველასთვის ნათელი და მკაფიოა. ფაქტია, რომ მისი ჯანმრთელობის მდგომარეობა კლინიკა „ვივამედში“ კიდევ უფრო დამძიმდა, რასაც ადასტურებენ „ვივამედის” წარმომადგენლებიც. ამასთან დაკავშირებით, იყო ერთი ადამიანი დაკითხული და მისი ჩვენებითაც გამოიკვეთა ეს. ამ პროცესთან დაკავშირებით ჩვენ ვხედავთ ყოველდღიურად საერთაშორისო რეაქციებისა და პოზიციების გააქტიურებას ჩვენი პარტნიორების მხრიდან ევროკავშირსა და აშშ-ში. იმისთვის, რომ საქართველოს დარჩეს ევროპული პერსპექტივა და ჰქონდეს შანსი მიიღოს ევროკავშირის კანდიდატობა, მიხეილ სააკაშვილი უნდა გაიყვანონ ქვეყნიდან ჰუმანიტარული მიზნით”, - განაცხადა აკაკი მინაშვილმა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს