ოთარ თოიძე - მიხეილ სააკაშვილის ვეგეტატიური ნერვული სისტემა, რომელიც ტვინს ორკესტრირებას უწევს გადაწყვიტოს სხვადასხვა ამოცანა, დაზიანებულია - ეს არის სიგნალი, რომ სააკაშვილის რესურსი თანდათან იწურება

ვეგეტატიური ნერვული სისტემა გვაძლევს სიგნალს, რომ მიხეილ სააკაშვილის რესურსი თანდათან იწურება, - ამის შესახებ ნევროლოგმა ოთარ თოიძემ სასამართლო სხდომაზე განაცხადა, სადაც მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებული მორიგი სასამართლო პროცესი მიმდინარეობს.

მისი თქმით, სააკაშვილის ვეგეტატიური ნერვული სისტემა დაზიანებულია.

„შიმშილობის ასეთი ხანგრძლივობა მსოფლიო ლიტერატურაში ერთეულებითაა აღწერილი. ცნობილია, რომ მე-20, 30-ე დღის ჩათვლით პაციენტების მდგომარეობა იმდენად უარესდება, რომ შიმშილობის გაგრძელება შეუძლებელი ხდება, ან ისინი იღუპებიან. მისი ენცეფალოპათიური სინდრომები პროგრესირებას განიცდის და ვეგეტატიური სისტემის ნიშნით გამოვლინდებიან. ვეგეტატიურ სისტემას აქვს ჩვენი ენერგეტიკულ-მამოძრავებელი ფუნქცია. ის, რაც ჩვენს ტვინს აძლევს საშუალებას, რომ გადაწყვიტოს სხვადასხვა ამოცანა, ეს ლოკალურ ადგილებში წყდება, მაგრამ ვეგეტატიური ნერვული სისტემა ამ ყველაფერს ორკესტრირებას უწევს და ანაწილებს ფუნქციებს. ვეგეტატიური ნერვული სისტემა დაზიანებულია. საჭირო იყო სუდომოტორული ვეგეტატიური ტესტის ჩატარება, რომელიც საქართველოში არ კეთდება. სხვა ყველა ვეგეტატიური სინჯი დადებითია (უარყოფითი თვალსაზრისით). ასევე, ვერ მოხდა მისი წნევის დასტაბილურება, იყო ჰიპერტონიული კრიზები, კოლაფსი, კატასტროფული წნევის ვარდნა, რომელიც ზოგს გულყრა ჰგონია, მაგრამ ეს არის გონების კარგვის ვეგეტატიური შეტევები. ტემპერატურის ცვალებადობა, რომელშიც, არაა გამორიცხული, რომ ვეგეტატიური ნერვული სისტემის წვლილია, მაგრამ ასევე არ გამოვრიცხავთ ინტოქსიკაციურ და ტოქსიკურ აგენტებსაც. ასევე არის შარდვის პრობლემები, ხშირი შარდვა“, - განაცხადა ოთარ თოიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024