„სტრატეგია აღმაშენებლის“ თავმჯდომარე გიორგი ვაშაძე საგარეჯოში მომხდარი ტრაგედიის დროს გარდაცვლილების ოჯახის წევრებს და ახლობლებს სამძიმარს უცხადებს.

როგორს ის განმარტავს, ამ ფაქტმა მთელი ქვეყანა შეძრა.

„ღრმა მწუხარებას გამოვთქვამ საგარეჯოში დატრიალებული საზარელი ტრაგედიის გამო. ვუსამძიმრებ გარდაცვლილ მოქალაქეთა და გმირი პოლიციელის ოჯახის წევრებს, ახლობლებს და მთელს საქართველოს. მთელი ქვეყანა შეძრა ამ საშინელმა ფაქტმა. გამოჯანმრთელება მინდა ვუსურვო დაჭრილ მოქალაქეებს”, - განმარტავს გიორგი ვაშაძე.

ინფორმაციას „სტრატეგია აღმაშენებელი“ ავრცელებს.

შეგახსენებთ, რომ შინაგან საქმეთა სამინისტროს ინფორმაციით, საგარეჯოში მომხდარი შემთხვევის შედეგად გარდაიცვალა 5 და დაიჭრა კორპუსის ეზოში მყოფი 5 ადამიანი. გარდაცვლილთაგან 1 პოლიციელი, 4 კი იმ კორპუსის მცხოვრებია, სადაც ყოფილმა სამხედრომ ცეცხლი გახსნა.

ამასთან, გამოძიების ინფორმაციით, საცხოვრებელი კორპუსის ერთ-ერთი ბინის აივნიდან რამდენიმე გასროლა 1974 წელს დაბადებულმა ნ.ა.-მ განახორციელა. მათივე ცნობით, აღნიშნულმა პირმა, მოგვიანებით, სპეცდანიშნულების რაზმის გამოჩენისთანავე, სავარაუდოდ, თვითლიკვიდაცია განახორციელა.