საქართველოს არავითარი საშუალება არა აქვს უკრაინის მხარდაჭერაში სამხედრო მიმართულებით ჩაერთოს - საქართველოსთვის უპირველესი ინტერესი საკუთარი ქვეყნის სასიცოცხლო ინტერესია და ამას ყველა გაგებით უნდა მოეკიდოს, მოსწონთ თუ არა! - ეს განცხადება „ქართული ოცნების“ დეპუტატმა მიხეილ სარჯველაძემ გააკეთა.

სარჯველაძის თქმით, უსაგნო და არალოგიკურია კითხვა, ვის მხარესაა საქართველო.

„ასეთი კითხვების გაჩენა ხელისუფლების მიმართ ანტაგონისტურად განწყობილი ძალების სურვილია. აბსოლუტურად ყველა პოლიტიკურ პლატფორმაზე, სადაც საქართველოს პოზიციონირების შესაძლებლობა ჰქონდა, თავისი პოზიცია დააფიქსირა. საერთაშორისო პლატფორმაზე საქართველო ერთ-ერთი ყველაზე მოწინავე და აქტიურია. ამიტომ კითხვა: - ვინ მხარესაა, უსაგნო და არასწორია.

იმაზე საუბარი, თუ სიმბოლურად მაინც რატომ არ ხდება უკრაინისთვის სამხედრო სახმარების გაწევა - თუნდაც დანების გადაცემით, ძალიან პროვოკაციული შინაარსის მატარებელია ასეთი სიმბოლური დატვირთვის მქონე სამხედრო მხარდაჭერით, სამხედრო ოპერაციებში საქართველოს ჩართვა“, - განაცხადა ჟურნალისტებთან მიხეილ სარჯველაძემ.