ექიმ-ფსიქიატრი - მიხეილ სააკაშვილის პოსტტრავმული სტრესული აშლილობა დაამძიმა 27 და 30 დეკემბრის ექსცესებმა, როდესაც ძალის გამოყენებით იყო მისი გადაყვანის მცდელობა

მიხეილ სააკაშვილის პოსტტრავმული სტრესული აშლილობა დაამძიმა 27 და 30 დეკემბრის ექსცესებმა, როდესაც ძალის გამოყენებით იყო მისი გადაყვანის მცდელობა - წამება მიეკუთვნება იმდაგვარ მოვლენას, რომ წამების მსხვერპლებს 100% შემთხვევაში უვითარდებათ პოსტტრავმული სტრესული აშლილობა - PTSD,- ამის შესახებ ექიმ-ფსიქიატრმა გიორგი ბერულავამ სასამართლო სხდომაზე განაცხადა, სადაც მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებული მორიგი სასამართლო პროცესი მიმდინარეობს.

როგორც ის განმარტავს, მიხეილ სააკაშვილის შემთხვევაში წამება ატარებდა კასკადურ ხასიათს.

„მისი პოსტტრავმული სტრესული აშლილობა დაამძიმა 27 და 30 დეკემბრის ექსცესებმა, როდესაც ძალის გამოყენებით იყო მისი გადაყვანის მცდელობა. ის დაექვემდებარა არასათანადო მოპყრობას, რომელიც პრაქტიკულად წამებასთან არის გათანაბრებული. მარიამ ჯიშკარიანთან და ოთარ თოიძესთან ერთად მქონდა საშუალება გავცნობოდი ვიდეო მასალებს.

30 დეკემბერს როგორ და რა მდგომარეობაში იყო გადაყვანილი მეთერთმეტე დაწესებულებაში, არ მოგვეწოდა საგამოძიებო სამსახურის მიერ. რაც ვნახეთ, ფასდება, როგორც არასათანადო მოპყრობა და წამება...წამება მიეკუთვნება იმდაგვარ მოვლენას, რომ წამების მსხვერპლებს 100% შემთხვევაში უვითარდებათ პოსტტრავმული სტრესული აშლილობა - PTSD. მიხეილ სააკაშვილის შემთხვევაში წამება ატარებდა კასკადურ ხასიათს, რამდენიმე მოვლენაა", - აღნიშნავს ბერულავა.

მისივე თქმით, არ შეიძლება პატიმრობაში იმყოფებოდეს ის პირი, რომელსაც დემენცია აქვს.

„ეს ადამიანი რომ იმყოფება პატიმრობაში დემენციის დიაგნოზით ყოველი მისი დღე მისთვის არაჰუმანური მოპყრობაა. არ შეიძლება ეს“, - აღნიშნავს ბერულავა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი