შალვა ხაჭაპურიძე - ურთქმელიძეებში შეიძლება 40 წლის შემდეგ ყველას დემენცია აქვს და ჩვენთან, ხაჭაპურიძეებში ასე არ არის

ურთქმელიძეებში შეიძლება 40 წლის შემდეგ ყველას დემენცია აქვს და ჩვენთან ხაჭაპურიძეებში ასე არ არის, - ასე უპასუხა მიხეილ სააკაშვილის ადვოკატმა შალვა ხაჭაპურიძემ კითხვას, რომელიც პენიტენციური დაწესებულების წარმომადგენელთა მხრიდან სასამართლო პროცესზე გაკეთებულ განცხადებას შეეხებოდა იმასთან დაკავშირებით, რომ 40 წლის ზემოთ ყველა ადამიანში შესაძლებელია რაღაც დოზით იყოს დემენცია.

ამასთან, როგორც შალვა ხაჭაპურიძემ აღნიშნა, ცოტა ხანში თავად სპეციალური პენიტენციური სამსახურის სამედიცინო დეპარტამენტის ხელმძღვანელი მალხაზ ურთქმელიძე დაიკითხება მოწმის სახით, რადგან სასამართლო პროცესებზე საუბარი ძირითადად იმ პერიოდს ეხება, როდესაც მიხეილ სააკაშვილი გორის ჰოსპიტალში იმყოფებოდა.

„თქვენ ხედავთ ბატონი ურთქმელიძის, ადამიანის, რომლის პროფესია არის ჯანდაცვის სამსახურის უფროსი და მოწოდებული უნდა იყოს პატიმრების ჯანმრთელობისა და მათი სიცოცხლის შენარჩუნებაზე, მის ცინიკურ დამოკიდებულებას თავად კოლეგებისა და მოწმეების მიმართ. ყველა მისი უკანონო ქმედებები ჩვენი მხრიდან რეაგირების გარეშე არ იქნება დატოვებული.

საერთოდ წარმოუდგენელია, მთელი საუბარი მიდის გორის ჰოსპიტალზე, მიდის საუბარი არასწორ მკურნალობაზე და ის, ვინც არასწორად მკურნალობდა და ხელმძღვანელობდა, მოწმედ ზის სასამართლო პროცესზე. მელამ თავის კუდი მოწმედ მოიყვანაო, დაახლოებით, ამას ვუყურებთ. სასამართლომ ეს გადაწყვეტილება მიიღო, რომ მას შეუძლია კითხვების დასმა, უახლოეს დღეებში თავად ურთმელიძე დაიკითხება ჩვენ მიერ როგორც მოწმე", - განაცხადა ხაჭაპურიძემ.

ცნობისთვის, სპეციალური პენიტენციური დაწესებულების ადვოკატმა, გელა ნიკოლაიშვილმა განაცხადა, რომ „40 წელს გადაცილებულ ადამიანებს მეტნაკლები ხარისხით დემენცია აქვთ, მაგრამ თვითონ სააკაშვილის ყოველდღიური მოქმედება, განცხადებები, ეპისტოლეები, წერილების წერა არ მიუთითებს იმაზე, რომ ამ ადამიანს რაღაცა ჭკუასუსტობასთან, მეხსიერების დაქვეითებასთან აქვს ადგილი“.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი