შალვა ხაჭაპურიძე - დაიკითხა „ვივამედის“ ექთანი, რომელმაც უარყო ის „ფეიკი“, თითქოს სააკაშვილი დასდევს ექთნებს და ეჩხუბება

დაიკითხა „ვივამედის“ ექთანი, რომელმაც უარყო ის „ფეიკი“, თითქოს სააკაშვილი დასდევს ექთნებს და ეჩხუბება - კიდევ ერთხელ გამოიკვეთა და გამოჩნდა პროპაგანდისტული მანქანის მუშაობა,- ამის შესახებ მიხეილ სააკაშვილის ადვოკატმა შალვა ხაჭაპურიძემ საქალაქო სასამართლოში საქართველოს ყოფილი პრეზიდენტისთვის სასჯელის გადავადების ან გაუქმების შესახებ მიმდინარე პროცესის დასრულების შემდეგ განაცხადა.

მისი თქმით, პროცესზე გამოიკვეთა, რომ მიხეილ სააკაშვილის სასჯელისგან გათავისუფლებისთვის სამი სამედიცინო დიაგნოზი არსებობს.

„დღეს მოწმეების დაკითხვის შედეგად დადასტურდა მნიშვნელოვანი ფაქტები, ჩვენთვის განსაკუთრებით მნიშვნელოვანი ფაქტები და სასამართლოსთვის. კერძოდ, მოგეხსენებათ, სააკაშვილის სასჯელისგან გათავისუფლების დიაგნოზი ერთი იყო დემენცია, ახლა დაემატა მეორე დიაგნოზი, რომელიც ექსპერტიზის დასკვნაში დევს, ანუ ნევროლოგიური დიაგნოზი. მესამე, ვინც ესწრება ამ პროცესებს, იცის, რომ კახექსია იყო უშუალოდ სასჯელისგან გათავისუფლების საფუძველი. გარდა ამისა, ოთარ თოიძის მიერ გაჟღერდა 6 დიაგნოზი, რომელიც სასჯელის გადავადების საფუძველია. მისი პოზიციები გამყარებული იქნა ასევე ქალბატონი ექსპერტის მიერ, რომელმაც შეამოწმა მისი ფსიქო-ემოციური მდგომარეობა ტესტების მიხედვით. ძალიან მნიშვნელოვანი პროცესი იყო. თქვენ იცით, რომ სულ იყო საუბარი: „გაგვაგებინეთ რა სჭირს სააკაშვილს“, - დღეს საჯაროდ კიდევ ერთხელ ოფიციალურად პროცესზე დადასტურდა სასჯელის მოხდის გადავადების საფუძვლები. გარდა ამისა, დაიკითხა „ვივამედის“ ექთანი, რომელმაც უარყო ის „ფეიკი“, თითქოს სააკაშვილი დასდევს ექთნებს და ეჩხუბება. კიდევ ერთხელ გამოიკვეთა და გამოჩნდა პროპაგანდისტული მანქანის მუშაობა. მე მადლობა მინდა გადავუხადო მოწმეებს, რომლებიც გამოცხადდნენ სასამართლო პროცესზე“,- განაცხადა ხაჭაპურიძემ.

რაც შეეხება სააკაშვილის წამებისა და არაადამიანური მოპყრობის ფაქტებზე საუბარს, ხაჭაპურიძემ განმარტა: „ჩვენ მიერ წარმოდგენილმა ექსპერტებმა არაერთხელ განმარტეს წინა სასამართლო პროცესებზეც, რომ აქ წამებაში იგულისხმება არა სისხლის სამართლის კოდექსში გათვალისწინებული წამების მუხლები, არამედ ითვლება სტამბოლის კონვენციის მიხედვით გათვალისწინებული და ასევე „აისიდი“ კოდების მიხედვით“.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა