რელიგიის საკითხთა სახელმწიფო სააგენტო საქართველოს მუსლიმ თემს სამთვეულის დასაწყისს ულოცავს.

რელიგიის საკითხთა სახელმწიფო სააგენტოს ინფორმაციით, მუსლიმური ტრადიციით დღეს, 23 იანვრიდან იწყება სამთვეული, მთვარის კალენდრის ოთხი წმინდა თვიდან სამი - რაჯაბი, შაბანი და რამადანი, რომლებიც ერთმანეთის მიყოლებითაა კალენდარში და მათთან დაკავშირებულია მრავალი მუსლიმური დღესასწაული.

ამასთან, რელიგიის საკითხთა სახელმწიფო სააგენტო ულოცავს საქართველოს მუსლიმ თემს სამთვეულის დასაწყისს, მშვიდობას და კეთილდღეობას უსურვებს მათ.