ანა ნაცვლიშვილი - მიუხედავად იმისა, რომ საპარლამენტო ოპოზიცია საკმაოდ ჭრელია და ბევრ რამეზე ვერ ვთანხმდებით, ფართო კონსენსუსი გვაქვს 12 პუნქტის ირგვლივ - ვინც არღვევს კონსენსუსს და ხელს უშლის ნაბიჯების წინ გადადგმას, ეს მმართველი პარტიაა

ეს 12 პუნქტი არის ის საკითხები, რომლებიც ჩვენს საზოგადოებას სჭირდება იმისთვის, რათა დავლაგდეთ და იმისთვის, რომ ადამიანები ჩემოდანზე არ ისხდნენ - დღეს პარლამენტს რაც უნდა გაეკეთებინა 12 პუნქტთან დაკავშირებით, უდიდესი ნაწილი არ არის გაკეთებული, - ამის შესახებ „ლელოს“ ერთ-ერთმა ლიდერმა დეპუტატმა ანა ნაცვლიშვილმა „პალიტრანიუსის“ გადაცემა „ნიუსრუმში“ განაცხადა.

მისივე თქმით, პრემიერი ან თავს იტყუებს ან კომპეტენცია არ ჰყოფნის, რომ ევრორეკომენდაციების შესრულების პროცესში თავად გაერკვეს, რადგან მის მიერ გაკეთებული განცხადება, რომ „12 პუნქტი, რომელიც განისაზღვრა საქართველოსთვის, ზედმიწევნით არის შესრულებული პარლამენტისა და მთავრობის მიერ“, ნაცვლიშვილის შეფასებით, არის მტკნარი სიცრუე.

„12 პუნქტის შესრულება და ევროკავშირში შესვლა ამისთვის გვჭირდება, რომ გარანტირებული მშვიდობა და გარანტირებული კეთილდღეობა ჰქონდეს ამ ქვეყანას. რა კეთდება?! - მე არ ვიცი, პრემიერი ასეთი მასშტაბით თავს ატყუებინებს თავის თანამშრომლებს, ვინც მას ინფორმაციას აწვდის და უნდა, რომ ამ ტყუილში იცხოვროს, თუ კომპეტენცია არ ჰყოფნის თუ ორივე ერთად, რომ თვითონ გაერკვეს ამ საკითხებში, მაგრამ მისი ეს განცხადება არის მტკნარი სიცრუე. დღეს პარლამენტს რაც უნდა გაეკეთებინა, უდიდესი ნაწილი არ არის გაკეთებული. არ არის გაკეთებული ერთადერთი პოლიტიკური ძალის გამო. მიუხედავად იმისა, რომ საპარლამენტო ოპოზიცია არის საკმაოდ ჭრელი, მრავალფეროვანი და ბევრ რამეზე ვერ ვთანხმდებით, ჩვენ ძალიან ფართო კონსენსუსი გვაქვს ამ 12 პუნქტის ირგვლივ. ვინც არღვევს ამ კონსენსუსს და ხელს უშლის ნაბიჯების წინ გადადგმას, ეს არის მმართველი პარტიის პოზიცია პარლამენტში. მაგრამ მცდელობა აქვს ღარიბაშვილსაც, კობახიძესაც და ზოგადად „ქართულ ოცნებას“, რომ ამ 12 პუნქტის შესრულება ჩაკეტოს მხოლოდ საპარლამენტო სივრცეში. პარლამენტმა რაც არ უნდა კარგი კანონები მიიღოს, ღარიბაშვილი ისეთ განცხადებებს თუ გააკეთებს, როგორითაც გამოირჩევა ხოლმე, არანაირი 12 პუნქტის შესრულება არ დადგება ამ ქვეყანაში, სამწუხაროდ. აღმასრულებელი ხელისუფლება რას აკეთებს, რა განცხადებებს აკეთებს და რა ნაბიჯებს დგამს, ისევე როგორც სასამართლო ხელისუფლება, ისევე შეფასდება, როგორც პარლამენტის მუშაობა. ამიტომ, ეს არ არის, რომ პარლამენტმა უნდა იმუშაოს - როგორც კონკიას დაუყარეს გასარჩევად მარცვლები. აღმასრულებელი ალთას თუ იქნება და პარლამენტი ბალთას, ამით არ შესრულდება 12 პუნქტი“,- განაცხადა ანა ნაცვლიშვილმა.

მისივე თქმით, ევროკავშირი ოპოზიციასაც უყურებს და იმისთვის, რომ მან ხელი არ ჩაიქნიოს საქართველოზე, ოპოზიციის პასუხისმგებლობა ძალიან მნიშვნელოვანია.

„მე არ მაქვს მაღალი მოლოდინი „ქართული ოცნების“ მხრიდან, მაგრამ მე ჩემს თავს ვუყენებ პასუხისმგებლობას, იმიტომ, რომ ევროპა ჩვენც გვიყურებს - აბა ოპოზიცია რას აკეთებს. თუ ამ ხალხმა საერთოდ ჩაიქნია საქართველოზე ხელი და თქვა, რომ მმართველი ძალა არ მუშაობს და ხელს უშლის ევროინტეგრაციას, მაგრამ დანარჩენი პოლიტიკური სპექტრიც არ არის, არც კონსენსუს უნარიანი, არც რეფორმის უნარიანი, არც ინტელექტუალური, არც სხვა ტიპის შესაძლებლობები არ აქვს, ხვალ რომ მოვიდეს ხელისუფლებაში ამ ტიპის რეფორმები გაატაროს, მაშინ თქვენ წარმოგიდგენიათ, რა მძიმე იქნება ევროკავშირის შთაბეჭდილება და შესაბამისად მისი გადაწყვეტილება?!“- განაცხადა ნაცვლიშვილმა.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა