ოლექსი რეზნიკოვი - „რამშტაინის“ შემდეგი შეხვედრა თებერვალში გაიმართება

უკრაინის თავდაცვის მინისტრის, ოლექსი რეზნიკოვის განცხადებით, უკრაინის თავდაცვის საკითხებზე საკონტაქტო ჯგუფის მომდევნო, მეცხრე შეხვედრა „რამშტაინის“ ფორმატში თებერვალში გაიმართება.

მისი თქმით, ყოველი ასეთი შეხვედრისას ხედავს, როგორ იზრდება უკრაინის მიმართ პარტნიორების ნდობა.

„ეს ყველაფერი ჩვენი ჯარისკაცების და წარმომადგენლების დიდი შრომის დამსახურებაა. მეტი ნდობა ნიშნავს მეტ იარაღს. დავიცვათ ჩვენი მიწა, ზღვა და ცა!“, - აღნიშნა თავდაცვის მინისტრმა.

შეგახსენებთ, გერმანიაში „რამშტაინის“ ფორმატში ნატო-სა და სხვა ქვეყნების თავდაცვის უწყებების მერვე შეხვედრა 20 იანვარს გაიმართა. შეხვედრაზე, რომელსაც უკრაინის თავდაცვის მინისტრი, ოლექსი რეზნიკოვიც დაესწრო, უკრაინის დახმარების საკითხებზე, მათ შორის გერმანული წარმოების „ლეოპარდის“ ტანკების გადაცემაზე, იმსჯელეს, თუმცა, ამ საკითხზე შეთანხმების მიღწევა ვერ მოხერხდა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი