ბაჩო დოლიძე - არჩევნების შემდეგ „ნაციონალურ მოძრაობას“ სათავეში ერთ მუშტად შეკრული გუნდი ეყოლება - დარწმუნებული ვარ, რომ ნიკა მელია გაიმარჯვებს

„ნაციონალური მოძრაობის“ ერთ-ერთი ლიდერის, ბაჩო დოლიძის განცხადებით, ის დარწმუნებულია, რომ პარტიის თავმჯდომარეობის არჩევნებში ნიკა მელია გაიმარჯვებს და ყველაფერი პირველ ტურში დასრულდება.

როგორც ბაჩო დოლიძემ ჟურნალისტებთან აღნიშნა, არსებობენ გამცხრილავი ჯგუფები, რომლებიც ნებისმიერ სხვა პარტიასთან ასოცირებულ რეგისტრირებულ ამომრჩევლებს ხმის მიცემის უფლებას ჩამოართმევენ.

„დარწმუნებული ვარ, ბევრ გარეშე პირს ექნება სურვილი, რომ „ნაციონალური მოძრაობის" არჩევნებზე დარეგისტრირდეს. ამისათვის წესი შევიმუშავეთ. არსებობს გამცხრილავი ჯგუფები, რომლებიც მუშაობენ. ის ადამიანები, რომლებიც იდენტიფიცირდებიან და გაიგივდებიან რომელიმე სხვა პარტიასთან, გამცხრილავი ჯგუფების მიერ ხმის მიცემიდან ამოვარდებიან. ჯგუფები ყველა პარტიის მომხრეებით არის დაკომპლექტებული. ყველას მინდა ვთხოვო, მაქსიმალურად ეცადონ, ამ ძალიან მნიშვნელოვან პროცესში არჩევნების დისკრედიტაცია არ მოახდინონ.

არჩევნები მართლა ძალიან უდროოდაა ჩანიშნული, მაგრამ ჩვენი მიზანია, რომ ის მაქსიმალურად პროფესიონალურად ჩატარდეს.

არჩევნების რეგისტრაციის პროცესში ხარვეზები არ არის. არის მხოლოდ კონკრეტული ნაბიჯები, რომლებიც ამომრჩეველმა პროგრამაში დასარეგისტრირებლად უნდა გაიაროს. ჩვენ გვჭირდებოდა ისეთი პლატფორმის შემუშავება, რომელიც გაუტეხელი იქნებოდა. ამ ეტაპზე 35 000 ამომრჩეველია დარეგისტრირებული იმ ფონზე, როცა წინა თავმჯდომარის არჩევნებში დაახლოებით 27 000-მა ადამიანმა მიიღო მონაწილეობა.

აუცილებელი პირობაა, რომ ამომრჩეველს "ფეისბუქი" ჰქონდეს. "ფეისბუქის" პროფილებით გადამოწმდება, არიან თუ არა ამომრჩევლები სხვა პარტიის მხარდამჭერები.

არჩევნების შემდეგ „ნაციონალურ მოძრაობას“ სათავეში ერთ მუშტად შეკრული გუნდი ეყოლება. მე დარწმუნებული ვარ, რომ ნიკა მელია გაიმარჯვებს, მაგრამ სხვა შემთხვევაშიც, ერთი გუნდი იქნება, რომელიც იმავეს არ იზამს, რასაც აქამდე აკეთებდა „ნაციონალური მოძრაობა“, - განაცხადა ბაჩო დოლიძემ.

ასევე, მან უპასუხა ჟურნალისტის შეკითხვას, დატოვებს თუ არა ვინმე „ნაციონალურ მოძრაობას“ არჩევნების დასრულების შემდეგ. ბაჩო დოლიძის თქმით, გამარჯვებული კანდიდატი პარტიის მოწინავე ხაზს მისთვის სანდო ადამიანებით დააკომპლექტებს, თუმცა ეს არ იქნება იმის მიზეზი, რომ ვინმე პარტიიდან წავიდეს.

„მეორე ტურის ალბათობა როგორც თეორიული, ისე პრაქტიკული, არსებობს, თუმცა პირადად, დარწმუნებული ვარ, რომ ყველაფერი პირველ ტურში დამთავრდება. ბუნებრივია, გამარჯვებული კანდიდატი წინა ხაზზე დააკომპლექტებს გუნდს, რომელსაც ენდობა, მაგრამ ეს იმას არ ნიშნავს, რომ ვინმე ვინმეს გარიცხავს და ვინმე პარტიას დატოვებს“, - განაცხადა ბაჩო დოლიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024