თეონა აქუბარდია - ვისურვებდი, რომ 24 თებერვალს გავაგონოთ ერთიანი ხმა, ჩვენი სოლიდარობა უკრაინას, ისევე როგორც „ქართულ ოცნებას“, რომელიც არ იყურება დასავლეთით და ქვეყანას რუსულ ორბიტას აახლოებს

ვისურვებდი, 24 თებერვალს ერთიანი ხმა გავაგონოთ უკრაინას, ისევე როგორც "ქართულ ოცნებას", რომელიც არ იყურება დასავლეთით, არამედ ქვეყანას რუსულ ორბიტას აახლოებს - ეს იქნებოდა სწორი ნაბიჯი, რომ დავაფიქსიროთ, თუ სად დგას დღეს ქართველი ხალხი და სად არის საქართველოს მთავრობა , - ამის შესახებ პარლამენტის ოპოზიციონერმა დეპუტატმა თეონა აქუბარდიამ ჟურნალისტებთან განაცხადა.

როგორც მან აღნიშნა, თავად, როგორც ერთი მოქალაქე, აქციაზე მისვლას გეგმავს.

"24 თებერვლის აქციის იდეა მოდის საზოგადოებიდან. სოციალურ ქსელებში ვრცელდებოდა და ვფიქრობ, უკრაინის წინააღმდეგ ფართომასშტაბიანი აგრესიის ერთი წლის თავზე, სწორი და მნიშვნელოვანია, საქართველომ გააგონოს ხმა უკრაინას, რომელთან ერთადაც საერთო ომი გვაქვს ოკუპაციასთან მიმართებით და საერთო მისწრაფებები ნატოსა და ევროკავშირში გაწევრიანებასთან დაკავშირებით. რაც შეეხება გაერთიანებას, სამწუხაროა, რომ საქართველოში ყველაზე რთული გამოწვევაა ერთიანობა. ამ ვითარებაში, რა თქმა უნდა, კარგი იქნება გადავდოთ ყველანაირი პირადი ინტერესი და დავდგეთ ერთად. მე ვისურვებდი, რომ 24 თებერვალს უკრაინას გავაგონოთ ჩვენი ერთიანი ხმა, ჩვენი სოლიდარობა, ისევე როგორც "ქართულ ოცნებას," რომელიც არ იყურება დასავლეთით, არამედ კიდევ უფრო აახლოებს ქვეყანას რუსულ ორბიტას, გამომდინარე იმ განცხადებებიდან და ანტიდასავლური კამპანიიდან, რასაც ჩვენ აქ, პარლამენტში ვხედავთ. შესაბამისად, ეს იქნებოდა სწორი ნაბიჯი, არა მხოლოდ პოლიტიკოსების, არამედ ხალხის მხრიდან, რომ დაფიქსირებული იყოს, სად დგას დღეს ქართველი ხალხი და სად არის საქართველოს მთავრობა", - განაცხადა აქუბარდიამ.

ოპოზიციური პოლიტიკური პარტიები („დროა“, „გირჩი-მეტი თავისუფლება“, „სტრატეგია აღმაშენებელი“) და საზოგადოების სხვადასხვა სფეროს წარმომადგენლები, 24 თებერვალს, საქართველოს ევროპული არჩევანის მხარდამჭერ და უკრაინის სოლიდარობის აქციას გამართავენ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024