იაგო ხვიჩია - „გირჩი“ „ნაცმოძრაობის“ არჩევნებში ნონა მამულაშვილს უჭერს მხარს და ჩვენს მომხრეებს რეგისტრაციისას პრობლემები არ შეჰქმნიათ

„გირჩი“ „ნაცმოძრაობის“ არჩევნებში ნონა მამულაშვილს უჭერს მხარს, ამიტომ ჩვენი მომხრეებიც დარეგისტრირდნენ „ნაცმოძრაობის“ საიტზე და რეგისტრაციისას პრობლემები არ შეჰქმნიათ, - ამის შესახებ „გირჩის“ დეპუტატმა, იაგო ხვიჩიამ განაცხადა.

ხვიჩიას თქმით, "გირჩი" პარტიის დაშლას გულშემატკივრობს, მანამდე კი ფიქრობენ, რომ ნონა მამულაშვილი ყველაზე ღირსეული თავმჯდომარე იქნება და ამასთან პარტიის დაშლისთვის საჭირო ნაბიჯებს დგამს.

"არ ვიცი, ხმის მიცემის უფლებას მისცემენ თუ არა, მაგრამ რეგისტრაცია წარმატებით გაიარეს. ჩვენი მომხრეები რეგისტრირდებიან, ტექნიკური პრობლემები არ ყოფილა აქამდე, აწი, ვნახოთ.

ნონა მამულაშვილს მხარს იმიტომ ვუჭერთ, რომ მიშას შემდეგ, არც ერთი კაცი თავმჯდომარე არ გამოადგათ „ნაცებს” და თან ქალბატონ ნონას ჭეშმარიტ ოპოზიციონერობაში ეჭვი არ გვეპარება. მისი პოზიციებიც ყოველთვის იყო გულწრფელად რადიკალური პოზიციების გამომხატველი.

ქალბატონ ნონასაც ვერ წარმოუდგენია, მგონი, პარტიის ასე გაგრძელება, ის ხშირად მოუწოდებს, რომ გამოვიდნენ პარლამენტიდან და ა.შ. რაც პარტიის დაშლისკენ გადადგმული ნაბიჯია. შესაბამისად, ჩვენ ეს პრაგმატულადაც გვაწყობს. ჩემი აზრით პარტია ყველა შემთხვევაში დაიშლება, უბრალოდ, ქალბატონ ნონას შემთხვევაში იქამდე ყველაზე ღირსეულად წარდგება ამომრჩევლის წინაშე", - განაცხადა ხვიჩიამ.

მირიან მირიანაშვილი - დღეს მსოფლიო პოლიტიკის ყველაზე მნიშვნელოვანი საკითხია, დათანხმდება თუ არ რუსეთი უკრაინაში განსათავსებელი სამშვიდობო ძალების შემადგენლობაში ნატოს წევრი ევროპული სახელმწიფოების სამშვიდობო ძალების მონაწილეობას
ქართული პრესის მიმოხილვა 13.02.2025
გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა