ლაშა ხუციშვილი - ტურიზმის ნაწილში აღდგენის პროცესი საკმაოდ ძლიერია, თუმცა ტურისტების რაოდენობის მხრივ, ჯერ კიდევ არ არის დაბრუნებული ის მაჩვენებელი, რაც პანდემიამდელ პერიოდში იყო

საქართველოს ფინანსთა მინისტრის, ლაშა ხუციშვილის განცხადებით, გასულ წელს ტურიზმის ნაწილში აღდგენის პროცესი საკმაოდ ძლიერი იყო, მაგრამ ტურიზმის მაჩვენებელი პანდემიამდელი პერიოდის მაჩვენებელზე ჯერ კიდევ არ დაბრუნებულა.

როგორც მთავრობის სხდომის დასრულების შემდეგ მინისტრმა აღნიშნა, საქართველოში ეკონომიკური ზრდის ტემპის დაჩქარების მიმართულებით ტურიზმი შესაძლოა, ერთ-ერთი მნიშვნელოვანი ფაქტორი გახდეს.

„ჩვენი მოლოდინი გამართლდა, გასულ წელს ტურიზმის აღდგენა წლიურ ჭრილში საკმაოდ ძლიერი იყო. მიღებულმა შემოსავალმა სამ ნახევარ მილიარდ აშშ დოლარს გადააჭარბა, ეს მოცულობა 2019 წლის პანდემიამდელ მდგომარეობის შედეგებს აჭარბებს, რომელიც თავის მხრივ საქართველოსთვის რეკორდული იყო. ტურიზმის ნაწილში აღდგენის პროცესი საკმაოდ ძლიერია. თუმცა, ასევე, აღსანიშნავია ის გარემოება, რომ რაოდენობრივ ნაწილში ტურისტების რაოდენობის მხრივ, ჯერ კიდევ არ არის დაბრუნებული ტურიზმის მაჩვენებელი იმ რაოდენობას რა რაოდენობაც პანდემიამდელ პერიოდში იყო. დაახლოებით 70%-ის ფარგლებშია, რაც მეორე მხრივ, მიუთითებს იმაზე, რომ ტურიზმს კიდევ საკმაოდ დიდი პოტენციალი აქვს, რომ მიმდინარე 2023 წელს ტურიზმი საქართველოში ეკონომიკური ზრდის ტემპის დაჩქარების მიმართულებით ერთ-ერთი მნიშვნელოვანი ფაქტორი იყოს. მიმდინარე და მომდევნო წელს ტურიზმის მიმართულებით ქვეყანას დაახლოებით 30-40%-იანი ზრდის შესაძლებლობა აქვს.

ასევე, პოზიტიურია სტატისტიკა ექსპორტის მიმართულებით, რომელიც 30%-ზე მეტით არის გაზრდილი გასულ წელს და ექსპორტმაც ბუნებრივია, მნიშვნელოვანი წილი შეიტანა ქვეყანაში ეკონომიკური მდგომარეობის გაუმჯობესების მიმართულებით“,-განაცხადა ხუციშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024