თბილისის საკრებულოს ფრაქცია „ერთიანი ნაციონალური მოძრაობის“ წარმომადგენელი სოფო ჯაფარიძე, პარტიის შიდა არჩევნებს ეხმაურება და აღნიშნავს, რომ მიუხედავად იმისა, ახლა ამის დრო არ იყო, ის მხარს მოქმედ თავმჯდომარეს უჭერს.
„არ ვფიქრობ, რომ დღეს არჩევნების დრო იყო მიხეილ სააკაშვილის მდგომარეობის გათვალისწინებით. ასეთ მდგომარეობამდე მიიყვანა "ქართულმა ოცნებამ" და ვთვლი, რომ ყველას ყურადღება და რესურსი მხოლოდ მისი სიცოცხლის გადარჩენისკენ უნდა ყოფილიყო მიმართული.
მაგრამ რადგანაც არჩევნები მაინც ტარდება, არ ვაპირებ ვიყო ნეიტრალური.
დღეს არის ღირსების არჩევნები და დიახ, მე ჩემს უამრავ გარშემომყოფ ადამიანთან ერთად, ვუჭერ მხარს ნიკა მელიას",- განაცხადა ჯაფარიძემ.