გელა ნიკოლაიშვილი ნეიროქირურგ გელა მენთეშაშვილზე - მოწმე, თავისთავად სანდოა - მან თქვა ის, რომ სააკაშვილს მიღებული აქვს გარკვეული მექანიკური ტრავმა, მაგრამ ექსპერტს არ შეუძლია ზუსტად თქვას, საიდან და როდის მიიღო

სპეციალური პენიტენციური დეპარტამენტის ადვოკატის, გელა ნიკოლაიშვილის განცხადებით, მიხეილ სააკაშვილის დაცვის მხარის მიერ სასამართლო სხდომაზე მოწმის სახით წარდგენილი ნეიროქირურგის, გელა მენთეშაშვილის სანდოობა ეჭვს არ იწვევს. აღნიშნულის შესახებ ნიკოლაიშვილმა ჟურნალისტებს სააკაშვილისთვის სასჯელის გადავადების ან სასჯელიდან გათავისუფლების შესახებ პროცესის დასრულების შემდეგ განაცხადა, რითაც გამოეხმაურა მოწმის მიერ პროცესზე ნათქვამ განცხადებას, რომ „მიხეილ სააკაშვილის სიმპტომები დაავადებათა ისეთ კატეგორიას განეკუთვნება, რომელსაც ქირურგიული ჩარევის საკითხი თითქმის მუდმივად თან სდევს”. ნიკოლაიშვილის განმარტებით, ნეიროქირურგმა რაც ნახა, ის დააფიქსირა და ამაში ეჭვი არ ეპარება, თუმცა, როდის მიიღო ეს დაზიანება სააკაშვილმა, ბუნებრივია, ნეიროქირურგს ეს არ შეუძლია თქვას.

„მოწმე, რა თქმა უნდა, თავისთავად სანდოა. თუმცა, მოწმემ თქვა ის, რომ სააკაშვილს მიღებული აქვს გარკვეული მექანიკური ტრავმა, მაგრამ ექსპერტს არ შეუძლია ზუსტად თქვას, საიდან მიიღო, როდის მიიღო ეს ტრავმა. ეს ანამნეზიდან ირკვევა. სააკაშვილის გადმოცემით, გადაყვანის დროს ტკივილი განიცადა, თუმცა იმ დროს არ უგრძნია და მერე გააცნობიერა, რომ ეს იყო ტყუილი. ასეთი ოპერაციები საქართველოში საკმაოდ ხშირად ტარდება და ამისთვის ადამიანს უცხოეთში გადაყვანა სჭირდება [ექსპერტს] არ უთქვამს. ეს იყო ძალიან მოკლე და კონკრეტულო დაკითხვა", - განაცხადა გელა ნიკოლაიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024