უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი ტყუილს უწოდებს რუსეთის განცხადებას, რომ უკრაინის შეიარაღებული ძალები იარაღს ატომურ ელექტროსადგურებში ინახავს.

პოდოლიაკის თქმით, უკრაინას იარაღი ატომური ელექტროსადგურის ტერიტორიაზე არასოდეს შეუნახავს.

„უკრაინა ინსპექტირების ორგანოებისთვის ყოველთვის ღიაა, მათ შორის ატომური ენერგიის საერთაშორისო სააგენტოსთვის“, - აღნიშნა პოდოლიაკმა.

როგორც უკრაინის პრეზიდენტის ადმინისტრაციის ხელმძღვანელის მრჩეველმა აღნიშნა, რუსების ტყუილები მათი პროვოკაციების გამართლებას ისახავს მიზნად.

ცნობისთვის, რუსეთის საგარეო დაზვერვის სამსახურმა განაცხადა, რომ შეერთებული შტატების მიერ მიწოდებული რეაქტიულ დანადგარი, საჰაერო თავდაცვის სისტემები და საარტილერიო საბრძოლო მასალა უკრაინის ჩრდილო-დასავლეთში მდებარე რივნეს ატომურ ელექტროსადგურში მიიტანეს.