თბილისის საკრებულოს ფრაქცია “ლელო - პარტნიორობა თბილისისთვის" თავმჯდომარე საბა ბუაძე საკრებულოს ინიციატივით მიმართავს, დაიწყოს მუშაობა, რათა დედაქალაქის ორ ქუჩას ბუბა კიკაბიძის და მანანა დოიჯაშვილის სახელები ეწოდოს.

საბა ბუაძის თქმით, ორი ლეგენდარული ხელოვანი ამას იმსახურებს და ეს უნდა იყოს საერთო მსჯელობის და კონსენსუსის საგანი.

„მივმართავ დედაქალაქის საკრებულოს, თბილისის ორ ქუჩას ეწოდოს ბუბა კიკაბიძისა და მანანა დოიჯაშვილის სახელები.

ეს უნდა იყოს საერთო მსჯელობისა და ინიციატივის შედეგი, რადგან ეს ორი ლეგენდა ამას ნამდვილად იმსახურებს.

ჩვენი ქვეყნისთვის და ქართველი ხალხისთვის ბუბა კიკაბიძისა და მანანა დოიჯაშვილის მსგავსი გენიოსების დაკარგვა უდიდესი დანაკლისია", - წერს საბა ბუაძე.