ენტონი ბლინკენი ილჰამ ალიევს ლაჩინის დერეფნის დაუყოვნებლივ გახსნისკენ მოუწოდებს

აშშ-ის სახელმწიფო მდივანმა, ენტონი ბლინკენმა აზერბაიჯანის პრეზიდენტთან, ილჰამ ალიევთან სატელეფონო საუბარი გამართა და მოუწოდა, დაუყოვნებლივ გახსნას ლაჩინის დერეფანი სავაჭრო მოძრაობისთვის, - ინფორმაციას აშშ-ის სახელმწიფო დეპარტამენტი ავრცელებს.

ილჰამ ალიევთან სატელეფონო საუბრის შესახებ ენტონი ბლინკენი „ტვიტერშიც“ წერს და ხაზს უსვამს, რომ ლაჩინის დერეფნის დაბლოკვა ძირს უთხრის იმ ნაბიჯებს, რომლებიც სომხეთმა და აზერბაიჯანმა კონფლიქტის მშვიდობიანი მოგვარებისკენ გადადგეს.

„მოვუწოდე პრეზიდენტ ალიევს დაუყოვნებლივ გახსნას ლაჩინის დერეფანი სავაჭრო მოძრაობისთვის. მისი დაბლოკვის ყოველი დღე ჰუმანიტარული კრიზისის საფრთხეს ქმნის და ძირს უთხრის იმ ნაბიჯებს, რომლებიც სომხეთმა და აზერბაიჯანმა მშვიდობისკენ გადადგნენ. აშშ მზადაა, მხარი დაუჭიროს ამ ძალისხმევას“, - წერს ბლინკენი „ტვიტერზე“.

ლაჩინის დერეფანი, რომელიც სომხეთსა და მთიან ყარაბაღს ერთმანეთთან აკავშირებს, 12 დეკემბერს მას შემდეგ ჩაიკეტა, რაც აზერბაიჯანელმა აქტივისტებმა ქალაქ შუშას შესასვლელთან პავილიონები აღმართეს. რუსეთის სამშვიდობო პუნქტის წინ შეკრებილი მომიტინგეების განცხადებით, რეგიონში დისლოცირებულ სამშვიდობო ძალები იმაში ადანაშაულებენ, რომ აზერბაიჯანელ ეკოლოგებს უფლებას არ აძლევენ აღდარაში სამთო საქმიანობის მონიტორინგი განახორციელონ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024