ილჰამ ალიევი - აზერბაიჯანს ლაჩინი-ხანქენდის გზა არ ჩაუკეტავს

აზერბაიჯანის პრეზიდენტმა, ილჰამ ალიევმა აშშ-ის სახელმწიფო მდივანთან, ენტონი ბლინკენთან სატელეფონო საუბარში განაცხადა, რომ ლაჩინი-ხანქენდის გზა ბლოკირებული არ არის და ამ გზაზე 12 დეკემბრის შემდეგ რუსი სამშვიდობოებისა და „წითელი ჯვრის საერთაშორისო კომიტეტის“ 980-მდე ავტომობილმა გაიარა, - ამის შესახებ აზერბაიჯანის პრეზიდენტის ოფიციალურ ვებ-გვერდზე გავრცელებულ ინფორმაციაშია აღნიშნული.

ალიევმა ბლინკენთან საუბარში ხაზი გაუსვა, რომ „წითელი ჯვრის“ საერთაშორისო კომიტეტმა ყარაბაღში მცხოვრები 90-მდე ავადმყოფის და სამედიცინო დახმარების საჭიროების მქონე პირის სომხეთში ტრანსპორტირება უზრუნველყო.

„პრეზიდენტ ილჰამ ალიევის თქმით, ეს ფაქტები აჩვენებს, რომ აზერბაიჯანს ლაჩინი-ხანქენდის გზა არ ჩაუკეტავს“, - აღნიშნულია ინფორმაციაში.

ილჰამ ალიევმა ასევე განაცხადა, რომ აზერბაიჯანის ტერიტორიებზე, სადაც დროებით განთავსებული არიან რუსი სამშვიდობოები, წიაღისეულის საბადოების უკანონო ექსპლუატაცია უნდა შეწყდეს, აზერბაიჯანს კი უნდა შეეძლოს მუდმივი მონიტორინგის განხორციელება.

„აზერბაიჯანის პრეზიდენტმა ენტონი ბლინკენის ყურადღება გაამახვილა სომხეთის მიერ ლაჩინის გზის ნაღმების უკანონო გადაზიდვისთვის გამოყენებაზე. პრეზიდენტმა ილჰამ ალიევმა კიდევ ერთხელ დაადასტურა აზერბაიჯანის ერთგულება სამშვიდობო პროცესისა და სომხეთთან ურთიერთობების ნორმალიზაციისადმი. სახელმწიფოს მეთაურმა ხაზი გაუსვა, რომ სომხეთ-აზერბაიჯანის სამშვიდობო შეთანხმება უნდა მოიცავდეს მხოლოდ ორმხრივი ურთიერთობების ნორმალიზებას საერთაშორისო სამართლის ნორმების და აზერბაიჯანის მიერ წარდგენილი ხუთი პრინციპის საფუძველზე“, - აღნიშნულია ინფორმაციაში.

შეგახსენებთ, მანამდე, აშშ-ის სახელმწიფო დეპარტამენტმა გაავრცელა ინფორმაცია, რომ აშშ-ის სახელმწიფო მდივანმა, ენტონი ბლინკენმა აზერბაიჯანის პრეზიდენტთან, ილჰამ ალიევთან სატელეფონო საუბარი გამართა და მოუწოდა, დაუყოვნებლივ გახსნას ლაჩინის დერეფანი სავაჭრო მოძრაობისთვის.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი