ლევან მამალაძე 2008 წლის აგვისტოს ომში საქართველოს მარცხის გამომწვევი მიზეზების გამოძიებას მოითხოვს

საზოგადოებრივი პლატფორმა „დაიცავი მშვიდობის“ ხელმძღვანელი, ლევან მამალაძე 2008 წლის აგვისტოს ომში საქართველოს მარცხის გამომწვევი მიზეზების შესწავლასა და გამოძიებას მოითხოვს.

როგორც მან მედიაჰოლდინგ "კვირის" პრესკლუბში გამართულ პრესკონფერენციაზე განაცხადა, სწორედ ამისთვის შეიქმნა ახალი საზოგადოებრივი პლატფორმა „დაიცავი მშვიდობა“, რომელმაც საკითხის გამოძიების მოთხოვნით საქართველოს პროკურატურას მიმართა.

მამალაძის თქმით, მიუხედავად იმისა, რომ განცხადებაში მითითებულია სისხლის სამართლის კოდექსით დასჯადი სახელმწიფოს წინააღმდეგ ჩადენილი დანაშაულის შემცველი ფაქტები, ორი კვირის განმავლობაში პროკურატურას მათ მიმართვაზე რეაგირება არ მოუხდენია.

„შესწავლილი უნდა იყოს, რა გარიგებაში შევიდა მაშინდელი პრეზიდენტი მიხეილ სააკაშვილი რუსეთთან, რა ურთიერთობები ჰქონდა დამყარებული სააკაშვილის რეჟიმის წარმომადგენლებს რუსეთის ხელისუფლებასთან და რატომ მივიღეთ ის შედეგი, რომ საქართველო დამარცხდა, ოკუპირებული არის ტერიტორიები, გადაცემული არის ისეთი ტერიტორიები, სადაც საომარი მოქმედებები საერთოდ არ წარმოებდა, გადაცემული აქვთ ხელუხლებელი შეიარაღება. მთლიანობაში იკვეთება კომერციული ინტერესები. დროთა განმავლობაში ვრწმუნდები, რომ ეს ომი სააკაშვილის კომერციული პროექტი იყო, რაც საყურადღებო უნდა იყოს ასევე პროკურატურისთვის“, - განაცხადა მამალაძემ.

მისივე თქმით, თვითმხილველების და მოწმეების გადმოცემით ვლინდება, რომ საქართველოს მარცხი 2008 წლის აგვისტოს ომში მაშინდელი რეჟიმის „კომერციული პროექტის შემადგენელი ნაწილი იყო“.

ლევან მამალაძის შეფასებით, აგვისტოს ომში საქართველოს მარცხის გამოძიებას ხელი შეგნებულად ეშლება.

„ამაზე პროკურატურის რეაგირება რომ არ ხდება, ეს ძალიან დიდ შეშფოთებას იწვევს. მართლაც მიკვირს, პირადად ბატონი შოთაძის სახელზე შევიტანეთ განაცხადი და დღეს პროკურატურიდან არავინ დაგვკავშირებია. მინდა პირდაპირ გითხრათ, არ ვაპირებთ გაჩერებას. ჩვენ ვაიძულებთ პროკურატურას, რომ თავიანთი ფუნქცია შეასრულონ. არ გამოვრიცხავ, რომ შეიძლება შესაბამისი აქციებიც ჩატარდეს, ხელმოწერებიც შეგროვდეს და დავანახოთ საზოგადოებას, პროკურატურა ვისთან დგას“, - განაცხადა მამალაძემ.

მისივე თქმით, იგეგმება, რომ საზოგადოებრივი პლატფორმის „დაიცავი მშვიდობის" ბაზაზე საზოგადოებრივი საგამოძიებო კომისია შეიქმნას, სადაც მოიწვიონ ადამიანები და მათ ხელთ არსებულ ინფორმაციას მტკიცებულებების სახე მისცენ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი