გიგა ბოკერია - რამდენადაც ვიცი, 24 თებერვალს თბილისში უკრაინელების აქციაა და მე ვაპირებ, რომ იქ ვიყო

რამდენადაც ვიცი, 24 თებერვალს თბილისში უკრაინელების აქციაა და მე ვაპირებ, რომ იქ ვიყო, - ამის შესახებ „ევროპული საქართველოს“ თავმჯდომარემ, გიგა ბოკერიამ განაცხადა, რითაც უპასუხა კითხვას, შეუერთდება თუ არა სამი ოპოზიციური პარტიის („დროა“, „გირჩი-მეტი თავისუფლება“, „სტრატეგია აღმაშენებელი“) მიერ 24 თებერვალს დაანონსებულ აქციას.

ბოკერიას თქმით, „ევროპული საქართველო“ აღნიშნულ სამ პარტიასთან ერთად არც ერთი აქციის ორგანიზატორი არ არის.

„24 თებერვალს არის უკრაინის წინააღმდეგ რუსეთის აგრესიის დღე და მე რამდენადაც ვიცი, ამ დღეს ჩვენ ქვეყანაში მცხოვრები უკრაინელი დევნილების აქციაა და მე პირადად ვაპირებ, რომ მაგ აქციაზე წავიდე. პარტიულად, რა თქმა უნდა, ამ სამ პარტიასთან ერთად, ჩვენ არც ერთი აქციის ორგანიზატორები არ ვართ. მოქალაქეები ამ დღეს უკრაინის მიმართ საკუთარ სოლიდარობას გამოხატავენ ყველანაირი მშვიდობიანი ფორმით. მე პირადად, რამდენადაც ვიცი, უკრაინელების აქციაა თბილისში, რომლებთანაც ჩვენ ბევრ საკითხში ვთანამშრომლობთ და მე ვაპირებ, რომ იქ ვიყო,“ - განაცხადა ბოკერიამ.

შეგახსენებთ, ოპოზიციურმა პოლიტიკურმა პარტიებმა („დროა“, „გირჩი-მეტი თავისუფლება“, „სტრატეგია აღმაშენებელი“) და საზოგადოების სხვადასხვა სფეროს წარმომადგენლებმა, 24 თებერვალს, საქართველოს ევროპული არჩევანის მხარდამჭერი და უკრაინის სოლიდარობის აქციას დააანონსეს.

ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ქართული პრესის მიმოხილვა 26.01.2023
ჯეიმი ფლაი - უკრაინელებმა მთელი მსოფლიო დაარწმუნეს, რომ მზად არიან დაიცვან თავის ქვეყანა, მიუხედავად საშინელი საფრთხისა, რომლის წინაშეც იდგა უკრაინის ბევრი ოფიციალური პირი და უკრაინელი ხალხი
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
SWEFLAND Group ონკოლოგიური დაავადებების მქონე ბავშვებისთვის - ურთიერთშეთანხმების მემორანდუმი სოლიდარობის ფონდთან
IDS ბორჯომსა და საქართველოს სათხილამურო ფედერაციას შორის პარტნიორობის მემორანდუმი გაფორმდა