პაატა მანჯგალაძე - როცა ჯოჯოხეთურ გარემოში ცხოვრობ, ანგელოზებს ვერ იპოვი - ვიღაცას ვიღაც არ მოეწონება ყოველთვის, მაგრამ ამის გამო ბრძოლაზე უარს არასდროს ვამბობთ

როცა ჯოჯოხეთურ გარემოში ცხოვრობ, ანგელოზებს ვერ იპოვი. ბუნებრივია, ვიღაცას ვიღაც არ მოეწონება ყოველთვის, მაგრამ ამის გამო ბრძოლაზე უარს არასდროს ვამბობთ, - ამის შესახებ „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ „პალიტრანიუსის“ გადაცემა „ნიუსრუმში“ 24 თებერვალს დაგეგმილ აქციაზე საუბრისას განაცხადა.

მისი თქმით, „ქართული ოცნება“ ღია ფლირტზე გადავიდა რუსეთთან და ეს პროცესი უნდა შეჩერდეს.

„ისე უღირსად, უმსგავსოდ იქცევა „ქართული ოცნება“, რომ გვინდა მსოფლიოს ვანახოთ და ასევე, ქვეყნის შიგნითაც საზოგადოებამ გვინდა იცოდეს, რომ ნამდვილი საქართველო არის სხვანაირი. „ქართულ ოცნებას“ უნდა, რომ ღალატი, მხდალობა, კოლაბორაცია აქციოს ცხოვრების წესად და ამის საწინააღმდეგო აქციაა. არავის წინააღმდეგ არ არის ეს აქცია მიმართული, ეს არის ჩვენი ერთიანობის დემონსტრირება. შეიძლება ადამიანებს აქციაზე მოსვლის სხვადასხვა მოტივი ჰქონდეთ, მაგრამ ეს იმას არ ნიშნავს, რომ აქციაზე არ უნდა მივიდეთ და ერთი მუჭა „ქართული ოცნების“ ჩინოვნიკებს შევატოვოთ ეს ქვეყანა, რომელიც უკვე ღია ფლირტზე, პოლიტიკურ თანამშრომლობაზე გადავიდა რუსეთთან. ლავროვი აქებს კობახიძეს, კობახიძე აქებს ლავროვს. მახსენდება დუგინის სიტყვები - 2008 წელს თბილისში ჩვენ რომ ტანკებით შევსულიყავით, იმაზე კარგ მთავრობას, როგორიც არის „ქართული ოცნება“, ვერ მოვიყვანდითო. ამ პროექტის და პროცესის რეალიზება მიდის ახლა. ნაცვლად ევროპისა, ცოტა ხანში ჩვენ შეიძლება გავიღვიძოთ და რუსეთ-ბელარუსის კავშირი დაგვისახონ, როგორც ევროპის ალტერნატივა. აი, ამის წინააღმდეგაც უნდა იყოს ეს აქცია მიმართული.

როცა იწყებ პროცესს, შეიძლება ყველას არ მოსწონდეს ეს პროცესი. არავის უთქვამს, რომ ეს არის პოლიტიკოსების აქცია, არავის უთქვამს, რომ ეს არის გიორგი ვაშაძის აქცია. ნათია მეზვრიშვილმა უკრაინის სოლიდარობის აქცია, სადაც დაახლოებით, საზოგადოების ასამდე პატივსაცემი ადამიანი იყო შეკრებილი დაინახა მხოლოდ გიორგი ვაშაძე. პოლიტიკური პროცესის მოკლე ჭრილიდან დანახვამ მიგვიყვანა იქამდე სადაც ახლა ვართ, რომ „ქართულ ოცნებას“ გაუტკბა კოლაბორაცია რუსეთთან და ნაცვლად იმისა, რომ ევროპაში წაგვიყვანოს, ღიად დაგვისახა უკვე მეორე ალტერნატივად რუსეთი. თუ ამასაც გავატარებთ, გვეტყვიან, რომ რუსეთი არის გადაუდებელი აუცილებლობა. ეს პროცესი უნდა შევაჩეროთ. ჩემთვის მიზანი იმდენად მნიშვნელოვანია, რომ მე არ შემიძლია ხალხის დივერსიფიცირება მოვახდინო, მე არ მაინტერესებს ვინ რას აკეთებდა წარსულში, ჩემთვის მნიშვნელოვანია, დღეს და ხვალ რისი გაკეთება შეუძლია ამ ადამიანს საქართველოსთვის, მათ შორის, ნათია მეზვრიშვილსაც, არასდროს არ ვახსენებდი არც ერთ ეთერში არც „თვალთხარიობას“, არც ზუგდიდში ჩატარებულ არჩევნებს, რომელსაც სკოლის დირექტორი შეეწირა. მე მაინტერესებს მომავალი.

მეორე ალტერნატივა არის ის, რომ პოლიტიკურ პროცესზე უარი ვთქვათ, ეს გავუტაროთ „ქართულ ოცნებას“, დავიწყოთ სტერილური ადამიანების, უცხოპლანეტელების ჩამოყვანა სუფთა წარსულით, რაც გაგვიჭირდება ძალიან“, - განაცხადა მანჯგალაძემ.

შეგახსენებთ, ოპოზიციურმა პოლიტიკურმა პარტიებმა („დროა“, „გირჩი-მეტი თავისუფლება“, „სტრატეგია აღმაშენებელი“) და საზოგადოების სხვადასხვა სფეროს წარმომადგენლებმა, 24 თებერვალს, საქართველოს ევროპული არჩევანის მხარდამჭერი და უკრაინის სოლიდარობის აქციას დააანონსეს.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი