მედია - ფინეთმა, შესაძლოა, ნატო-ში გაწევრიანების პროცედურა შვედეთისგან დამოუკიდებლად განაგრძოს

ფინეთის საგარეო საქმეთა მინისტრი, პეკა ჰაავისტო არ გამორიცხავს, რომ ფინეთმა ნატო-ში გაწევრიანების პროცედურა შვედეთისგან დამოუკიდებლად განაგრძოს, - ინფორმაციას Bloomberg-ი ავრცელებს.

ამასთან, მისი თქმით, ამ საკითხზე პოზიციის დაფიქსირება ჯერჯერობით ნაადრევია.

პეკა ჰაავისტოს განცხადებით, ფინეთისა და შვედეთის უსაფრთხოების კუთხით ნომერ პირველი ვარიანტი კვლავ ისაა, რომ ქვეყნები ნატო-სკენ ერთდროულად ისწრაფვიან.

„უსაფრთხოების თვალსაზრისით საუკეთესო ვარიანტია როგორც შვედეთის, ასევე ფინეთის შესვლა ალიანსში. თუმცა, ამ საკითხზე (ფინეთის შვედეთისგან დამოუკიდებელ გაწევრიანებაზე) პოზიციის დაფიქსირება ნაადრევია“, - განაცხადა ჰაავისტომ.

მისი თქმით, შვედეთში თურქეთის საწინააღმდეგო საპროტესტო აქციები მხარეებს შეთანხმების მიღწევაში ხელს შეუშლის.

„ეს მომიტინგეები ფინეთისა და შვედეთის უსაფრთხოებას ეთამაშებიან“, - დასძინა ჰაავისტომ.

შეგახსენებთ, თურქეთის პრეზიდენტმა, რეჯეფ თაიფ ერდოღანმა სტოკჰოლმში ქურთი მომიტინგეების მიერ საპროტესტო აქციაზე ყურანის დაწვის შემდეგ განაცხადა, რომ შვედეთი არ უნდა მოელოდეს, რომ თურქეთი მხარს დაუჭერს მის ნატო-ში გაწევრიანების განაცხადს.

გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
ქართული პრესის მიმოხილვა 13.02.2025
ფარხატ მამედოვი - ჯერჯერობით იმის თქმა შეიძლება, რომ ტრამპის ადმინისტრაციას სამხრეთ კავკასიის მიმართ თავისი ინტერესები, მიზნები და ამოცანები არ განუსაზღვრავს
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
PSP-ში 50%-მდე ფასდაკლება დაიწყო მსოფლიოს ცნობილი სილამაზის და თავის მოვლის ბრენდების პროდუქციაზე
„რატომაც ვანდობთ ამ სკოლას ჩვენთვის უძვირფასესს - შვილებს, ნათია ჯანაშიამ შექმნა“ – მშობლები ბრიტანულ–ქართული აკადემიის დირექტორს მხარს უჭერენ
Bist-ის თანამშრომლების განცხადება